Trafiku i drogës nga drejtues policie dhe prokurorë/ Gazetari jep alarmin për shkatërrim të hetimeve

6 Korrik 2021, 06:24, Kronika CNA

Operacioni ndërkombëtar anti-drogë ?Shpirti?, dyshohet se do të rezultojë një flluskë sapuni.

Gazetari i kronikës së zezë, Sokol Bregu ka ngritur dyshime se ky operacion mund të dështojë në Gjykatë.

Sipas tij, gjyqtarët shqiptarë nuk kanë ditur asnjëherë të menaxhojnë kaq shumë të pandehur në një proces të vetëm gjyqësor.

?Unë jam i shqetësuar nga operacioni i fundit për dy gjëra. E para sepse nuk kam parë kurrë më parë, të përfundojë një proces gjyqësor të përfunfojë kur të pandehurit janë më shumë se 4, jo kaq shumë sa janë në këtë moment. Janë po këta prokurorë që kanë qenë më parë edhe në prokuroritë e rretheve, te krimet e rënda, në SPAK. Nuk kanë patur ndonjëherë ndonjë rezultat të kënaqshëm kur ka shumë të proceduar penalisht?, është shprehur Bregu në emisionin ?Absolut 4?.

Ai ka risjellë raste të tjera të ngjashme, kur të arrestuatir kanë qenë të shumtë dhe në fund nuk është kuptuar se çfarë ka ndodhur me ta.

?Mund ti referohemi të fundit fare ?Volvos?, u arrestuan shumë vetë. Në fund fare nuk morëm vesh asnjë gjë çfarë u bë me këtë. Po të shkojmë akoma më në kohë është Gërdeci. Me aq shumë të pandehur, kemi dy të dënuar. Gjyqtarët shqiptarë nuk kanë ditur asnjëherë të menaxhojnë kaq shumë të pandehur në një proces të vetëm gjyqësor, ose hetim të prokurorisë?, është shprehur më tej Bregu.

Sipas gazetarit, nuk janë zyrtarët e policisë apo prokurori i arrestuartë vetmit që mund të akuzohen si të përfshirë në trafikun e drogës, pasi steak shkon më lart, deri në Qeveri tek Kryeministri Edi Rama.

?Kemi një drejtor policie, i cili duhet të mbikëqyrte trafikun e drogës, një drejtues vendor, një prokuror, një shef policie tjetër në Fier, çfarë kërkojmë më nga një strukturë?

Për ta ulur dhe për të kërkuar dënimin ndaj këtyrë personave. Jo, steka shkon direkt dhe të gjithë akuzojnë kryeministrin Edi Rama. Në këtë mes, ashtu si edhe në histori të tjera, kur akuzat bëhen personale ndaj kryeministrit, çdo gjë shuhet. Jam 100% i bindur, që ata që kanë pushtet në këtë histori do t?ia hedhin paq. Media ose shoqëria në tërësi, të gjithë sot kërkojnë rihapjen e dosjes së Tahirit ose të çojnë si të pandehur kryeministrin.

Askush nuk kërkon, ky prokurori pse kaloi në arrest shtëpie se u kap në flagrancë, ky drejtori, i cili është strumbullari pse kaloi në arrest shtëpie. Nga arrest shtëpie do kalojë në detyrim paraqitje. Në fund fare do kemi një burgim në kohën e paraburgimit. Nuk do kemi një burgim real?, ka thënë më tej Bregu./CNA.al