web counter
LEXO PA REKLAMA!

SHKARKO APP

App Store
Google Play

E fundit!

x

Vendimi për Teatrin/ Mustafaj: Nuk ka fitore të pastër, Kushtetuesja po përpiqet të kënaqë të dy palët

2 Korrik 2021, 18:56, Aktualitet CNA

Ish-ministri i Jashtëm Besnik Mustafaj ka komentuar vendimin e e Gjykatës Kushtetuese për Teatrin Kombëtar.

I ftuar në ABC news, Mustafaj deklaroi se vendimi i këshillit bashkiak për prishjen e Teatrit nuk është rrëzuar dhe në këtë pikë del se Bashkia ka vepruar në përputhje me ligjin.

Nga ana tjetër në lidhje me rolin e qeverisë, Mustafaj theksoi se ajo nuk ka hedhur hapa të mëtejshëm dhe në këtë pikë Kushtetuesja nuk mund ta detyrojë të bëjë hapa prapa në lidhje me këtë proces.

?Të dyjat palët kanë fituar nga pak. Nuk ka fitore të pastër. Vendimi i këshillit bashkiak për prishjen e Teatrit nuk është rrëzuar. Bashkia del në përputhje me ligjin. Qeveria nuk ka hedhur hapa të mëtejshme. Nuk ka për të bërë hapa mbrapa. Thjesht pezullohet një vendim i marrë. Jemi në një situatë kur ky vendim nuk detyron asnjë palë të bëjë një hap përpara për zgjidhjen e çështjes. Do bëhej hap përpara nëse vendimi I këshillit bashkiak do quhej i paligjshëm.

Shoh një gjykatë Kushtetuese që përpiqet të thotë se qumështi i ëmbël dhe kosi i ëmbël. Është një përpjekje për të kënaqur palët, për të mos pasur asnjë të pakënaqur. Dhe shmangia për vendimin për ligjshmërinë e zgjedhjeve. Ky është një vendim që Gjykata Kushtetuese do të ishte në nderin e saj ta merrte?, deklaroi ai./CNA.al

 





Lajmet e fundit nga