E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Beteja për Teatrin e Ri sapo ka filluar

2 Korrik 2021, 15:34, Aktualitet CNA

Gjykata Kushtetuese ka shpallur ‘dispozitivin’ e vendimit lidhur me çështjen e teatrit.

Gjykata ka konsideruar të drejtë dhe sipas procedurave të rregullta vendimin e Këshillit Bashkiak për shembjen e godinës së vjetër të Teatrit. Vlerësimet e ekspertëve, kanë vulosur bindjen e Gjyqtarëve Kushtetues, që godina ishte e amortizuar, ndaj shembja ishte e pashmangshme.

Por vendimi i Gjykatës Kushtetuese godet në zemër procesin që synonte transferimin e truallit shtetëror drejt privatit.

Trualli shtetëror është i patransferueshëm.

Zemra e Vendimit të Gjykatës Kushtetuese, është shfuqizimi i vendimit të qeverisë për kalimin e pronësisë së tokës së Teatrit Kombëtar nga Ministria e Kulturës tek Bashkia Tiranë.

Gjithashtu Gjykata shfuqizoi ligjin për ndërtimin e Teatrit me partneritet publik privat (PPP).

Trualli ku dikur ngrihej Teatri Kombëtar i rikthehet shtetit dhe i lihet nën përgjegjësi administrimi Ministrisë së Kulturës.

Godina e re do të duhet të ndërtohet me tender publik të hapur.

Por cila është kronologjia e asaj që u vendos sot, pa asnjë mundësi apelimi:

– 3 qershor Gjykata Kushtetuese shqyrtoi dy paditë e kryera nga Presidenti Meta, për shfuqizimin e ligjit special të Teatrit dhe vendimin e Këshillit të Ministrave për kalimin e truallit të Teatrit Kombëtar në pronësi të Bashkisë Tiranë;

– 14 Maj, Presidenti Ilir Meta padit Këshillin e Ministrave në Gjykatën Kushtetuese, duke kërkuar shfuqizimin e vendimit të kalimit të truallit të Teatrit Kombëtar në pronësi të Bashkisë;

– 25 korrik 2019, Presidenti Meta dërgon në Gjykatën Kushtetuese padinë e parë kundër qeverisë dhe bashkisë duke kërkuar shpalljen antikushtetues të ligji për shembjen e godinës së Teatrit Kombëtar;

– Mungesa e shumicës së domosdoshme për vendimmarrje në Gjykatën Kushtetuese, solli vonesën dhe GjK vendosi të marrë çështjen në shqyrtim vetëm në fund të vitit 2019;

– 30 dhjetor 2019, Kolegji i Gjykatës Kushtetuese i kërkon Kuvendit, Këshillit të Ministrave, Ministrisë së Financave dhe Ekonomisë, Ministrisë së Kulturës dhe Bashkisë e Tiranës, që të përcjellin argumentet e tyre për se kanë hartuar dhe miratuar këtë ligj special.

Ligji parashikonte krijimin e një komisioni me përfaqësues nga Ministria e Drejtësisë, Ministria e Financave, Ministria e Infrastrukturës, Ministria e Kulturës, Avokatura e Shtetit dhe Trupa teatrore për shqyrtimin e propozimeve dhe negocimin me palë private për ndërtimin e teatrit të ri.

Bashkia e Tiranës është ngarkuar për hartimin dhe administrimin e dokumenteve të procedurës për vlerësimin dhe negocimin e kontratës. Bashkia gjithashtu publikonte shpalljen për aplikimet dhe pranonte projektet nga palët e interesuara.

Sipas ligjit, komisioni do të shqyrtonte projektet, ndërsa kompanitë mund të ankoheshin tek kryetari i bashkisë së Tiranës, i cili vlerësonte vendimmarrjen e komisionit dhe në fund merrte edhe vendimin për projektin. Gjithashtu, kryetari i bashkisë Erjon Veliaj që do të lidhte kontratën me investitorin.

Teatri Kombëtar u shemb në 17 maj 2020.

I shembur për ti hapur rrugë një megaskeme korruptive, klienteliste dhe grabitqare të maskuar nën treshkronjëshin “PPP”, sot është dita që beteja të nisë nga fillimi.

Sepse Lali Eri nuk është dorëzuar.

Dikush duhet ti sqarojë që ai është kryetar Bashkie. Dhe nuk mundet të ndajë tenderin për ndërtimin e një teatri në një truall-pronë që nuk i takon më Bashkisë Tiranë. Ai mundet që pasi të jetë ndërtuar, mund të urdhërohet nga Rama që: në 5 të mëngjesit, ai vetë, personalisht, të marrë furçën në dorë dhe ti lyejë shkallët.

Por kujdes!

Ata nuk janë dorëzuar!

Ndaj ky është një nga ato raste kur merr kuptim shprehja: beteja sapo ka filluar./CNA.al