web counter
LEXO PA REKLAMA!

SHKARKO APP

App Store
Google Play

E fundit!

x

Kikia: Durrësi nuk ka vend të lirë për të depozituar plehrat, ka dakordësi për landfillin e Sharrës

1 Korrik 2021, 20:33, Aktualitet CNA

Prej ditëve të para të muajit qershor, situata me menaxhimin e mbetjeve në Durrës ka krijuar një shqetësim të madh tek qytetarët, dhe Mentor Kikia tha për këtë në ?Raw Politcs? se Durrësi vazhdon të jetë në gjendjen e emergjencës së shpallur një vit më parë nga Këshilli Bashkiak, në lidhje me depozitimin e mbetjeve.

Gazetari Mentor Kikia informoi se Durrësi aktualisht nuk ka një vend të lirë për të depozituar mbetjet dhe në kushtet e emergjencës, u ra dakord se qeveria do të sponsorizonte kostot që mbetjet të depozitoheshin në landfillin e Sharrës.

Aktiviteti i depozitimit të plehrave në landfillin e Sharrës filloi, mirëpo u ndal përpara një viti për shkak se qeveria nuk ka çelur fondin dhe as është dhënë ndonjë alternativë tjetër. Mirëpo sipas z. Kikia, ka një dakordësi që landfilli i Sharrës të hapet sërish për të pastruar të paktën zonën turistike të qytetit.

?Ka një dakordësi të heshtur për ta hapur portën e landifllit të Sharrës për një pjesë të mbetjeve, për të pastruar zonën turistike të qytetit, por mbetet një çështje e pazgjidhur derisa të çelet fondi nga qeveria apo të krijohet një alternativë tjetër?, u shpreh Mentor Kikia.

Më përpara, qyteti i Durrësit i depozitonte plehrat në Porto-Romano, mirëpo për shkak se kjo zonë ka filluar të banohet, është mbyllur si vend depozitimi dhe po shndërrohet në park./euronews





Lajmet e fundit nga