E fundit!

13:34 Aktualitet

Krimi në Maliq, Lamallari dhe Hita nisen drejt Korçës/ Ministri tregon gjendjen e efektivit të plagosur

Ministri i Brendshëm, Besfort Lamallari ka vizituar efekti...

Vendimi për Teatrin/ Paralajmëron avokatja: Personat përgjegjës do të dalin para drejtësisë

2 Korrik 2021, 15:29, Aktualitet CNA

Avokatja Adriana Kalaja ka komentuar vendimin e Gjykatës Kushtetuese për Teatrin Kombëtar.

Kalaja u shpreh edhe pas këtij vendimi nuk do të ndalet beteja. Ajo tha se nëse çështja nuk gjen zgjidhje në gjykatat e vendit do të përfundojë deri në Strasburg. Përmes një lidhje direkte në Neës 24 ajo paralajmëroi se çdokush që ka patur dorë në shembjen eTeatrit do të shkojë para ligjit.

Avokatja bën me dije se një pjesë e kallëzimeve për këtë çështje janë dorëzuar në SPAK.

?E shikoj që mbase jashtë vullnetit të anëtarëve të sistemit, e shoh në një presion të ndikimit të paligjshëm nga funksionarë shtetërorë, vendas dhe të huaj. Unë do të doja ta gëzoja fitoren, bashkë me të gjithë miqtë e mi. Me të gjithë ata që kontribuuan në këtë kauzë, që është më e bukura në këto 30 vite. Fituam një ligj special që u fuqizua.

Ajo ishte potencial i mundshëm që në një moment të dytë, nëse qeverisë dhe bashkisë nuk i dalshin pazaret, do të riktheheshin prapë. Ligji kishte bërë disa efekte. Unë nuk mund të shprehem qartë dhe prerë lidhur me vendimin e shembjes, pasi nuk kam parë të arsyetuar vendimin e gjykatës për këtë pikë.

Do të kemi shumë pikë për të operuar në betejën tonë të mëpasshme ligjore, për aq kohë sa Kushtetuesja ka nxjerrë nul vendimin e pronës. Ne e kemi thënë që do i drejtohemi Strasburgut, nëse nuk marrim pritshmëritë tona. Qëllimi final është nxjerrja e përgjegjësisë penale, qëllimi final është rindërtimi i teatrit, aty dhe aty ku ishte, për këtë vepër të madhe që shkatërruan, historisë shqiptare, do të paguajnë personat përgjegjës.

Unë nuk mendoj që Gjykata Kushtetuese është shembur në këtë pikë, ajo e ka arsyetuar pjesën e çështjes si anti-Kushtetuese, ne do të ndjekim deri në fund procedurat. Në këndvështrimin tonë përgjegjësia personale do të prevalojë mbi gjithçka.

Kush ka gisht në veprat korruptive të teatrit të ri, do të shkojë përpara ligjit. Një pjesë e mirë në kallëzimet tona, lidhet me dy pikat tona që Gjykata na dha të drejtë. Vendimi i Gjykatës Kushtetuese i çliron ato nga trysnia dhe shpejt, një pjesë e mirë e kallëzimeve tona do të shkojnë përballë Gjykatës së Posaçme?, ka thënë Adriana Kalaja./ CNA.al