web counter
LEXO PA REKLAMA!

SHKARKO APP

App Store
Google Play

E fundit!

x

Përdhunimi i 15-vjeçares/ Gjykata e Apelit mbyll në qeli pesë të akuzuarit

2 Korrik 2021, 07:55, Politikë CNA

Gjykata e Apelit në Shkodër ka lënë në fuqi masën e sigurisë “Arrest në burg”, për 5 personat e akuzuar për përdhunimin e një 15-vjeçarje, në Tarazh të Mirditës.

Kujtojmë këtu se rasti u zbulua në muajin maj të këtij viti, ndërsa nën hetim në lidhje me këtë ngjarje janë Artan Kaçorri, Albert Molla, Ermal Tarazhi, Nikë Lleshi dhe 17-vjeçari me iniciale A.Gj.

Pesë të akuzuarit kishin kërkuar në apel ndryshimin e masës së sigurisë të vendosur nga Gjykata e Lezhës me datë 20 maj, por pas shqyrtimit të dosjes hetimore, trupa gjykuese e refuzoi diçka të tillë.

Nga ana tjetër, mësohet se organi i akuzës është në pritje të përgjigjes së ekspertizës mjekësore, e cila do të vërtetojë nëse 5 personat kanë abuzuar apo jo seksualisht me të miturën, ndërsa të arrestuarit e kanë mohuar diçka të tillë.

15-vjeçarja akuzon Artan Kaçorrin, Albert Mollën, Ermal Tarazhin, Nikë Lleshin dhe shtetasi me iniciale A.Gj, se kanë abuzuar seksualisht, përmes shantazhit.

Kjo ngjarje tronditi mbarë opinionin publik dhe u shoqërua me protesta në disa qytete të vendit, ku aktivist dhe qytetar kërkonin parandalimin e ngjarjeve të tilla si dhe ndëshkimin e autorëve./CNA.al





Lajmet e fundit nga