web counter
LEXO PA REKLAMA!

SHKARKO APP

App Store
Google Play

Sa kavje televizive numëruat Arjan Konomi?!

30 Qershor 2021, 08:27, Aktualitet CNA

Aktivistja Elona Casli vijon të jetë një zë mjaft kritik në lidhje me emisionin ?Përputhen?, ndërsa së fundi nuk ka kursyer as Arjan Konomin.

Në një postim në rrjetet sociale, Casli shkruan se të rinjtë në atë emision trajtohen si kavje televizive dhe se kavjet televizive sot janë jetët e çuara dëm nesër.

?U shfaqët në një ba?lkon në Tetovë Arjan Konomi. Hapët krahët për të përshëndetur të rinjtë e Tetovës që prisnin me ulërima personazhet e ” Përputhen”.

Mes tyre ishit dhe ju, ose më saktë ishte dhe gjykatësi i pseudodashurisë televizive që të gjykon kohën kur e puthe një njeri, mënyrën se si e puthe dhe fjalët që i the.

Duke qenë se pretendoni se jeni njeri i lëçitur duhet pashmangshmërisht të jeni takuar me këndvështrimin e Milan Kunderës mbi hendekun që ndan jetën private nga ajo publike. Po e risjell në vëmendjen tuaj;

“Jeta private dhe publike janë dy botë të ndryshme në thelb. Respektimi i këtij ndryshimi është kushti që njeriu mund të jetojë si njeri i lirë; që perdja e cila ndan këto dy botë, është e paprekshme dhe shkulësit e perdeve janë kriminelë.

Kam thënë së përhapja e intimitetit të tjetrit, sa po bëhet zakon dhe rregull, na fut në një epokë, basti më i madh i së cilës, është mbijetesa ose zhdukja e individit.

Milan Kundëra-Testamente të tradhtuara.

Përktheu- Balil Gjini

Post Scriptum- Të rinjtë në atë emision trajtohen si kavje televizive. Kavjet televizive sot janë jetët e çuara dëm nesër.?-shkruan Elona Caslli./CNA.al





Lajmet e fundit nga