E fundit!

07:30 Kosova & Bota

Tronditet Venezuela/ Dy tërmete të fuqishme godasin vendin, 32 viktima dhe mbi 700 të plagosur

Dy tërmete të fuqishme me magnitudë 7.2 dhe 7.5 ballë të s...

Ngjela ngre alarmin/ Kriminaliteti në Shqipëri në nivele të frikshme, policia hesht

29 Qershor 2021, 18:08, Aktualitet CNA

Avokati i njohur Spartak Ngjela thotë se siguria në Shqipëri nuk është në nivelin e duhur. Gjatë një interviste për gazetaren Bruna Çifligu, avokati duke komentuar ngjarjet e fundit në Shqipëri kritikoi Policinë e Shtetit, që sipas tij nuk ka asnjë lidhje me funksionin kryesor që është parandalimi i krimit.

?Nuk është gabim të thuhet se siguria në Shqipëri nuk është në nivelin e duhur. Kjo polici nuk ka lidhje me parandalimin e krimit, por kjo polici është një polici, e cila vjen pas krimit. Pasi ka ndodhur krimi kjo ka vlerë e vet në kapjen e krimit?, tha ai.

Ai shprehet se kriminaliteti në Shqipëri është në nivele alarmante për shkak se sistemi gjyqësor dhe politika i kanë dhënë pushtet krimit.

?Kriminaliteti në Shqipëri është në këtë nivel, sepse niveli i korrupsionit në nivelin gjyqësor i ka dhënë pushtet krimit. Korrupsioni në rangun gjyqësor ka lejuar krimin në rangun e qeverisë, korrupsioni në rangun e qeverisë i ka dhënë forcë krimit të rrugës dhe krimit të organizuar?, tha ai.

Sa i takon ngjarjes së Velipojës ku humbën jetën katër persona pas sherrit për hapësirën e vendosjes së shezlongëve, z. Ngjela thotë se ky akt duhet cilësuar si krim ekonomik.

?Krimi i rrugës sot përfiton nga të drejtat e njeriut. Policia nuk ka të drejtë të kontrollojë çdo individ, sepse nuk ta lejon ligji. Krimi që keni parë ju në Velipojë është krim i organizuar, është krim ekonomik?, theksoi ai.

Lidhur me këto problematika, avokati Spartak Ngjela propozon që Policia e Shtetit duhet të ristrukturohet sa më parë duke bërë pjesë të saj njerëz me kapacitete të larta intelektuale, që të dinë dhe të njohin mirë problemet, por edhe metodat për të goditur elementët me rrezikshmëri sociale.

?Duhet ristrukturim në nivelin profesional. Policia ka qenë e njerkës dhe njerka kanë qenë të korruptuarit. Njëri ka marrë nga fshati i vet, tjetri nga qyteti i vet, tjetri nga fisi i vet. Duhet ristrukturim të Policisë në nivel profesional? tha Ngjela./euronews