web counter
LEXO PA REKLAMA!

SHKARKO APP

App Store
Google Play

“Hienat e bamirësisë”/ “Shpërthen” gazetari: E keni vendin tek rrathët e çmendinës

29 Qershor 2021, 08:10, Aktualitet CNA

Gazetari Klodian Tomorri ka reaguar me tone mjaft të forta, në lidhje me të ashtuquajturat bamirësi publicitare.

Në një postim në rrjetet sociale, Tomorri shkruan se për një lek bamirësi, bëhen dy lajme, ndërsa shton se është shumë e rëndë të përdoret fatkeqësia e tjetrit për imazh. Kjo sipas tij është bamirësi hijenash.

?Hienat e bamirësisë

Një nga gjërat më të shpifura që këtu ndodh shpesh, është kjo e bamirësisë publicitare. Një neveri e madhe. Kanë dhe këta një vend të konsoliduar aty tek rrathet e cmendines.

Dje dikush shkruante ne rrjetet sociale, që dhashë kaq lekë për ngjarjen e Shkodrës. Dikush tjetër madje dilte me titra në televizion. Filan bankë dha kaq leke, filan kompani dha kaq lekë. Madje titrat shoqëroheshin edhe me një prononcim të drejtorit ose pronarit për gjestin e madh bujar që po bëhej.

Pastaj janë këta të zakonshmit e fondacioneve, që e kane kursin 1 lekë të dhene dy lajme në tv. Madje keta nuk i kane as leket e tyre, por reklamohen me lekët e të tjerëve. Një shpifësirë totale.

Beni bamirësi, por mos dilni si tellalla se eshte shume e ndyre te perdoresh fatkeqesine e rende te tjetrit per imazh. Kjo është bamirësi hienash.

Ndërkohë, respektin më të madh për ata që ndihmojnë, por nuk mburren dhe as e bëjnë publike.?-shkruan Klodian Tomorri./CNA.al





Lajmet e fundit nga