web counter
LEXO PA REKLAMA!

SHKARKO APP

App Store
Google Play

ONM dorëzon prova të reja/ Reagon Elisabeta Imeraj

29 Qershor 2021, 14:43, Aktualitet CNA

Operacioni Ndërkombëtar i Monitorimit ka paraqitur prova shtesë pranë Komisionerit Publik për drejtuesen e Prokurorisë së Tiranës Elisabeta Imeraj. Në njoftimin e publikuar nga Komisioneri Publik, mësohet se ONM i kërkon Komisionerit të ankimojë vendimin për Imerajn.

?Në datën 1.4.2021, në përfundim të seancës dëgjimore përkatëse, Komisioni i Pavarur i Kualifikimit vendosi konfirmimin në detyrë të subjektit të rivlerësimit, znj. Elizabeta Imeraj, me detyrë prokurore/Drejtuese e Prokurorisë së Rrethit Gjyqësor Tiranë.

Vendimi nr. 363, datë 1.4.2021, i Komisionit të Pavarur të Kualifikimit, iu është njoftuar Komisionerëve Publikë më datë 21.6.2021.

Në datën 21.6.2021, Operacioni Ndërkombëtar i Monitorimit u paraqiti Komisionerëve Publikë Rekomandimin për të ankimuar vendimin në Kolegjin e Posaçëm të Apelimit, për të tria kriteret e rivlerësimit.

Në datën 29.6.2021, Operacioni Ndërkombëtar i Monitorimit u paraqiti Komisionerëve Publikë një shtesë (Addendum) të Rekomandimit, të paraqitur në datën 21.6.2021.

Komisionerët Publikë janë duke shqyrtuar, në të njëjtën kohë, vendimin e Komisionit të Pavarur të Kualifikimit dhe Rekomandimin e Operacionit Ndërkombëtar të Monitorimit, të plotësuar në përmbajtjen e tij nga shtesa (Addendum) e datës 29.6.2021?, thuhet në njoftim.

Pasi ONM paraqiti prova shtesë pranë Komisionerit Publik, vjen një reagim nga Drejtuesja e Prokurorisë së Rrethit Gjyqësor Tiranë, Elisabeta Imeraj.

Kjo e fundit tha për News 24 se do paraqiste kërkesën për t?u njohur me këto akte. Mes të tjerash ajo theksoi se mbështet një proces të drejtë dhe ligjor.

?Aktet shtese te ONM ? se, nuk me jane vene ne dispozicion per thuajse tre vjet hetime. Do paraqes kerkese për t?u njohur me keto akte, dhe me pretendimet. Mbeshtes nje proces te drejte ligjor dhe pres nje proces te drejte ligjor?, tha Imeraj./CNA.al





Lajmet e fundit nga