web counter
LEXO PA REKLAMA!

SHKARKO APP

App Store
Google Play

E fundit!

x

“Ndikoi në vendimin e Gjykatës Kushtetuese”/ Delegacioni i BE i përgjigjet Aleancës për Teatrin

30 Qershor 2021, 10:34, Aktualitet CNA

Aleanca për Teatrin Kombëtar akuzoi sot ambasadorin e BE-së në vendin tonë, Luigi Soreca, se ka ndërhyrë në vendimin e Gjykatës Kushtetuese.

Aleanca për Teatrin deklaroi se “mbështetës të tyre brenda institucioneve shtetërore u kanë bërë të ditur se në datën 16 qershor, në ambientet e Gjykatës Kushtetuese ka hyrë ambasadori i Bashkimit Evropian në Tiranë Luigi Soreca, i cili ka zhvilluar një takim prej afro një ore me Kryetaren e Gjykatës Kushtetuese dhe 5 (pesë) minuta para se të fillonte seanca gjyqësore, është parë të dalë nga dera e pasme e kësaj gjykate.”

Ndërkohë, në lidhje me këto pretendime, ka ardhur edhe reagimi i Delegacionit të BE, ki cili i cilëson akuzat të bazuara në shpifje.

?Delegacioni i Bashkimit Evropian në Shqipëri përgënjeshtron me forcë deklaratat bazuar në shpifje prej një përfaqësueseje të Aleancës për Mbrojtjen e Teatrit Kombëtar drejtuar Ambasadorit Luigi Soreca.

Delegacioni i BE-së në Shqipëri konfirmon që Ambasadori Soreca është takuar me Kryetaren e Gjykatës Kushtetuese, Znj. Vitore Tusha, mëngjesin e 16 qershorit 2021. Takimi ishte pjesë e një serie takimesh që Ambasadori po zhvillon gjatë ditëve të fundit me të gjithë kryetarët e institucioneve të drejtësisë për të diskutuar mbi gjendjen e zbatimit të reformës në drejtësi në Shqipëri. Gjatë takimit nuk pati asnjë diskutim në lidhje me çështjen e hapur në Gjykatë mbi Teatrin Kombëtar. Delegacioni i BE-së në Shqipëri dhe Ambasadori Soreca vazhdojnë të mbështesin fuqimisht dhe në mënyrë sistemike pavarësinë e të gjitha institucioneve gjyqësore shqiptare.

Delegacioni i BE-së rezervon çdo të drejtë për të ndjekur ligjërisht deklaratat e bazuara në shpifje të bëra sot në media?.-thuhet në reagim./CNA.al





Lajmet e fundit nga