web counter
LEXO PA REKLAMA!

SHKARKO APP

App Store
Google Play

Turizëm i përgjakur/ “Luftë” në zonat turistike, situata jashtë kontrollit

28 Qershor 2021, 12:52, Aktualitet CNA

2020 por edhe fillimi i këtij  viti ishin të vështirë për turizmin, pasi pandemia gjunjëzoi një ndër shtyllat kryesore të ekonomisë.

Hyrjet e turistëve të huaj u tkurrën ndjeshëm si pasojë e mbylljes së kufijve dhe masave të tjera kufizuese të ndërmarra në kuadër të pandemisë.

Me heqjen e masave kufizuese, bizneset e tronditura prisnin të merrnin frymë lirshëm. Por e pamundur, pasi në zonat turistike, pushtetin e bën krimi dhe për pasojë prodhohet  një bilanc lufte me të vrarë e të plagosur.

Organeve të rendit iu ka dalë situata jashtë kontrollit, dhe drejtësia në zonat turistike po bëhet me kallash, pistoleta e zjarr-vënie.

Në Sarandë kërcet kallashi dhe të presin duart, në Velipojë përgjaket plazhi, katër persona masakrohen me breshëri plumbash, në Himarë digjen shezllongët dhe kërcet pistoleta.

Rrugët çdo ditë përgjaken, aksidentet nuk kanë të ndaluar.

Po shkatërrohet kështu një sezon turistik që sapo ka nisur ndërkohë të gjithë rendin duke ia hedhur fajin dikuj tjetër, jo e ka fajin, policia, jo Bashkia apo Qeveria.

Në vend që të bashkohen të gjitha institucionet që kjo situatë të frenohet dhe turizmi të vihet në shina por mbi të gjitha të mos rrezikohet jeta e qytetarëve.

Por, më shumë janë të prirur që të mos mbajnë përgjegjësi, të sulmojnë të tjerët edhe pse i gjithë pushteti është përqëndruar në duart e një force të vetme politike.

Ndaj, të mos çuditen kur të huajt apo shqiptarët që jetojnë jashtë dhe që janë pesha kryesore e turizmit, të anulojnë udhëtimet në Shqipëri, për shkak të kësaj situate.

Askush nuk do të rrezikojë jetën, duke ardhur me pushime në Shqipërinë e marr peng nga krimi dhe të udhëhequr nga të papërgjegjshëm./CNA.al





Lajmet e fundit nga