web counter
LEXO PA REKLAMA!

SHKARKO APP

App Store
Google Play

E fundit!

x

Ngjarja në Velipojë/ Bardeli: Ekspozon gjunjëzimin e shtetit para krimit dhe rënien e rendit

27 Qershor 2021, 16:10, Aktualitet CNA

Deputetja e PD-së Greta Bardeli ka reaguar pas ngjarjes së ndodhur në Velipojë ku pas sherrit për shallzonet u vranë katër persona dhe mbetën të plagosur dy të tjerë.

Sipas saj, kjo është një masakër në zonë turistike në sezon ku thekson se me në krye Edi Ramën familjet shqiptare janë në rrezik.

Bardeli i bëri thirrje policisë të veprojë e lirë në mbrojtje të jetës dhe shëndetit të qytetarëve.

?Sot është një ditë e dhimbshme për Velipojën, për Shkodrën dhe mbarë Shqipërinë. Masakra e ndodhur në mesnatë ekspozon edhe njëherë gjunjëzimin e shtetit para krimit, rënien e rendit dhe sigurisë pikërisht për shkak të atyre që e kanë normalizuar krimin duke e bërë atë pjesë të pushtetit, ndërsa policinë e përdorin për mbrojtur intersat e regjimit dhe jo të qytetarëve.

Kjo masakër, në një zonë turistike dhe në mes të sezonit, dëshmon edhe njëherë se me Edi Ramën jetët e qytetarëve, familjeve dhe fëmijëve shqiptarë janë të rrezikuara nga dorëzimi i shtetit përpara grupeve kriminiale.

Ku strategjia makabër e ?hëngshin kokat e njëri-tjetrit?, pasqyrohet edhe nga postimi i turpshëm në facebook i Edi Ramës, me të cilin tregon se ai jeton i shkëputur nga realiteti, që nuk njëh dhe nuk mban përgjegjësi për dorëzimin pa kushte të Velipojës, Shkodrës dhe Shqipërisë në duart e krimit.

Kjo gjendje ankthi dhe pasigurie, dëmton Velipojën, dëmoton Shkodrën dhe dëmoton imazhin e Shqipërisë në një moment të vështirë për ekonominë e vendit tonë, që ka turizmin një element jetik të saj.

Prandaj kërkojmë që Policia e Shteti të gjej forcën për t?u distancuar nga regjimi dhe të veproj e e lirë nga presionet politike, duke u ngritur në lartësinë e detyrës që i cakton Kushtetuta, në mbrojtje të jetës dhe shëndetit të qytetarëve?, u shpreh Bardeli./ CNA.al





Lajmet e fundit nga