web counter
LEXO PA REKLAMA!

SHKARKO APP

App Store
Google Play

Masakra në Velipojë/ Zbardhet dëshmia e Hasan Ferracakut

28 Qershor 2021, 08:36, Aktualitet CNA

Pas ngjarjes së rëndë të ndodhur ditën e djeshme në Velipojë, ku pas një konflikti për shazlonget mbetën të vrarë katër persona dhe dy të  plagosur, sot është zbardhur dëshmia e Hasan Ferracakut.

Hasan Ferracaku, i cili mbeti i plagosur në ngjarjen e djeshme, është shprehur se një ditë më parë kanë qenë në hotelin e Gocaj për tu sqaruar për konfliktin.

Sipas tij, ata nuk kanë rënë dakord që këtë vit të vendoseshin shalzonget nga familja Ferracaku dhe gjërat janë acaruar deri në përdorimin e armëve.

Ferracaku shtoi se ai nuk ka përdorur armë, vëllai i tij e ka përdorur armën për vetëmbrojtje.

?Fillimisht kemi zhvilluar një debat tek shezllonet në plazh sepse ata i kanë vendosur në vendin ku këtë vit e kemi pasur të drejtën ne pas aplikimit që kemi bërë. Pas atij debati kemi shkuar në darkë tek hoteli Gocaj për t?u sqaruar me familjen Gocaj. Jemi ulur në tavolinë për të biseduar. Ne i kemi thënë që të gjejmë një marrëveshje, pasi ata i kishin vendosur më përpara shezllonet njëkohë që këtë vit kjo e drejtë ishte e jona në baze të aplikimeve.

Ata nuk kanë pranuar duke thënë se duhet të presin derisa të përcaktohet edhe vendi i tyre. Gjatë bisedës ka nisur debati dhe gjërat janë acaruar duke bërë që të përdoren edhe armët. Ne kemi shkuar për të folur dhe për të gjetur një zgjidhje për shezllonet, por situata u acarua dhe pas krismave të armëve nuk e di çfarë ka ndodhur më. Di që ata kanë qëlluar ndaj vëllait dhe ne të tjerëve dhe në atë moment vëllai është vetëmbrojtur. Unë nuk kam qëlluar dhe kemi shkuar vetëm për të biseduar sepse janë njerëz që ne i kemi njohur dhe kemi pasur marrëdhënie të mira, por situata doli nga kontrolli“, mësohet të ketë thënë ai./ CNA.al





Lajmet e fundit nga