Nga masakra zgjedhore tek betejat imagjinare/ Si tallet Basha me demokratët

24 Qershor 2021, 08:43, Politikë CNA

Zgjedhjet e 25 prillit 2021, i dhanë një tjetër goditje, Partisë Demokratike, duke e lënë në opozitë, për të tretin mandat rrjesht.

Kryetari i Partisë Demokratike, Lulzim Basha në fillim, kur ende nuk kishjte mbaruar numërimi i votave, u justifikua duke thënë se ende nuk ishin hapur ?kutitë e mira?, që pretendohej se ishin votat për PD, ndërsa pasi përfundoi numërimi dhe KQZ nxori rezultatin përfundimtar, Basha për të justifikuar dështimin, nxori një alibi, të ashtuquajturën ?masakër zgjedhore?.

Basha doli në një konferencë për mediat para selisë së PD-së, dhe në vend që të mbante përgjegjësi për humbjen, deklaroi se ?25 prilli ishte një masakër zgjedhore?, se zgjedhjet ishin vjedhur, dhe se ai tani fillonte betejen.

Por, në fakt gjithçka duket të jetë thjeshtë dhe vetëm një alibi e radhës, e Lulzim Bashës, që të justifikojë humbjen dhe të vijojë të mbajë karrigen e kryetarit të PD.

Dhe ndërkohë që do të duhej të bënte një analizë fillimisht të zgjedhjeve, apo të përqëndrohej tek ?beteja? në KAS dhe Kolegjin Zgjedhor, Basha shpalli një datë zgjedhjesh për kryetar, të nxituar. U zhvillua një fushatë në një afat kohor mjaft të limituar, dhe për më tepër gjitha gara ishte në kushte të pabarabarta. Basha garonte duke qënë në detyrën e kryetarit dhe duke pasë pas vetes të gjithë administratën e PD. Kështu në 13 qershor, arriti të mbajë sërish karrigen e kryetarit, edhe pse në fakt me një humbje të ndjeshme të votave të demokratëve, krahasuar me katër vite më parë.(Lexo këtu)

Por, përtej garës në PD, le të rikthehemi tek ?beteja? e Bashës, që deklaroi pas 25 qershorit.

Basha tha se beteja sapo ka filluar dhe PD, filloi një proces ankimimesh në KAS dhe Kolegjin Zgjedhor.

Por, edhe pse pretendohej për ?masakër zgjedhore?, nuk u oaraqit asnjë provë e vlefshme, që KAS apo Kolegji Zgjedhor të anullonin zgjedhjet, qoftë edhe në një qendër të vetme votimi.

Me argumentin se provat e depozituara për vjedhje dhe tjetërsim të vullnetit politik janë të pambështetura në ligj, Kolegji Zgjedhor i dha fund kërkesave të Opozitës për përsëritje të zgjedhjeve në 9 qarqe të vendit.

Pas rrëzimit të ankimimeve njëri pas tjetrit për secilin qark, kjo trupë gjyqësore la të pandryshuar rezultatin e dalë nga zgjedhjet e 25 Prillit, 74 mandate për Partinë Socialiste, 59 për koalicionin e udhëhequr nga demokratët ?Aleanca për Ndryshim? dhe katër për Lëvizjen Socialiste për Integrim.

Pra, Basha i mbylli ?me sukses? të gjitha ankimimet në Kolegjet e ngritura me konsensus PD-PS.

Nga ana tjetër, një ditë më parë, KQZ çertifikoi zgjedhjet e 25 prillit 2021, dhe shpërndau mandatët e deputetëve sipas qarqeve.

Por, nga ana tjetër Lulzim Basha, i cili është ?zhdukur? nga ekranet që prej datës 14 qershor, i ka lënë të varur demokratët me linjën e masakrës zgjodhore.

Nuk ka thënë asgjë për ankimimet që u rrëzuan, i mbajti demokratët me premtime për ?beteja imagjinare? kundër regjimit Rama-Doshi, gjatë fushatës për kreun e PD, dhe tashmë mesa duket ka marrë pushimet.

Pra, Lulzim Basha i zvarriti sërish demokratët me genjeshtra dhe mashtrime dhe u zhduk./CNA.al

Të gjitha manipulimet e procesit zgjedhor nga Lulzim Basha

?Bie? Elbasani/ Kolegji Zgjedhor lë në fuqi rezultatet e 25 Prillit

Zgjedhjet e 25 Prillit/ Kolegji Zgjedhor rrëzon PD për qarkun e Fierit

Kolegji Zgjedhor rrëzon kërkesën e PD për Tiranën

Kolegji Zgjedhor ?rrëzon? PD/ Nuk ka përsëritje të zgjedhjeve në Shkodër

Zgjedhjet e 25 Prillit/ Kolegji Zgjedhor rrëzon kërkesën e PD për Vlorën

Padia e PD për qarkun e Gjirokastrës/ Kolegji Zgjedhor nuk pranon provat shtesë

Fakte dhe analiza/ Pse zgjedhja e Bashës në krye të PD fundos Opozitën