web counter
LEXO PA REKLAMA!

SHKARKO APP

App Store
Google Play

Kroacia dhe Skocia luajnë gjithçka për gjithçka, fitorja kualifikon të dyja skuadrat në raundin tjetër. Ja formacionet zyrtare

22 Qershor 2021, 18:12, Sport CNA

Duke filluar nga ora 21:00 do të luhet sfida Kroaci-Skoci e vlefshme për ndeshjen e fundit në Grupin D. Të dyja skuadrat vijnë me shanse reale për kualifikim në këtë sfidë duke marrë parasysh se një 3 pikësh i fituar mbrëmjen e sotme do t?i ngjiste në kuotën e 4 pikëve dhe më pas do të prisnin  përfundimin e sfidave në grupet e tjera për të parë nëse mund të kualifikohen në raundin e 1/8-ve.

Ballkanasit janë nënkampionë bote, por kanë shfaqur një formë shumë të dobët në këtë Kampionat duke grumbulluar vetëm 1 pikë në dy ndeshje. Nga ana tjetër, Skocia vjen me moral të fortë pas barazimit me Anglinë dhe do të tentojë gjithçka në sfidën kundër kroatëve.

Trajneri Daliç do të tentojë gjithçka duke hedhur në fushë disa emra të njohur si Modriç, Perisiç, Kovaçiç e Lovren ndërsa ishullorët mbështeten tek kapiteni i skuadrës njëkohësisht dhe mbrojtësi i Liverpulit, Andrju Robertson.

FORMACIONET ZYRTARE

Kroacia: Livakoviç, Juranoviç, Lovren, Vida, Gvardiol, Kovaçiç, Brozoviç, Perisiç, Modriç, Vlasiç, Petkoviç, Trajner: Z.Daliç

Skocia: Marshall, Roberston, Tiernei, Hanlei, MekTominai, Odonell, MekGrin, MekGregor, Armstrong, Adams, Dajks, Trajner: S.Klark





Lajmet e fundit nga