web counter
LEXO PA REKLAMA!

SHKARKO APP

App Store
Google Play

ZYRTARE/ Largim me peshë, mesfushori mbyll bashkëpunimin me Partizanin

22 Qershor 2021, 09:39, Sport CNA

Rron Broja nuk është më lojtar i Partizanit. Ka qenë vetë mesfushori që nëpërmjet një postimi të bërë në rrjetet sociale, ka bërë të ditur largimin nga kryeqytetasit.

Lojtarit i skadoi kontrata me të kuqtë pas përfundimit të sezonit dhe një marrëveshje për rinovimin e saj nuk u arrit, çka bëri që palët të shtrëngojnë duart për largimin.

Tashmë mesfushori është një futbollist i lirë dhe në kërkim të një skuadre të re për të vazhduar karrierën.

Broja luajti te Partizani për dy sezone, me të cilët u bashkua në verën e vitit 2019 nga skuadra e Shkupit. Në sezonin e fundit, 25-vjeçari ishte një nga lojtarët kryesorë te ?demat e kuq?, ku u aktivizua në 35 ndeshje mes Kupës dhe kampionatit.





Lajmet e fundit nga