“Nga fitorja në fitore”/ Basha fillon “betejat” kundër regjimit

17 Qershor 2021, 08:32, Politikë CNA

Të dielën në 13 qershor, Partia Demokratike zhvilloi zgjedhjet për kryetar, ku në garë ishin katër kandidatë, Edith Harxhi, Agron Shehaj, Fatbardh Kadilli dhe vetë kreu në detyrë Lulzim Basha.

Pas përfundimit të numërimit të votave, rezultoi se Basha ka arritur të mbajë karrigen e kryetarit të PD-së, por me një numër votash, shumë herë më të ulët se në 2017.

Komisioni i Zgjedhjeve në Partinë Demokratike ka bërë të ditur se Lulzim Basha ka fituar me 32 882 vota.

Lulzim Basha rezulton me një humbje të ndjeshme të votave, në krahasim me vitin 2017, ku kishte marrë 58 mijë vota.

Edhe pse arriti sërish të mbajë karrigen e kryetarit, votimi i demokratëve duket se është një ?shuplakë? e fortë për Lulzim Bashën, pasi mori rreth 25 mijë vota më pak se katër vite më parë.

Këto janë disa detaje, jo shumë të rëndësishmë për kreun e Republikës së re, për të cilin duket se rëndësi ka vetëm mbajtja e karriges.

Por, ka edhe një tjetër detaj.

Lulzim Basha gjatë gjithë fushatës për kreun e PD, në takimet në degët lokale ka kërkuar votën e demokratëve, duke artikuluar se ?kërkoj nga ju të vazhdojmë bashkë këtë betejë kundër regjimit Rama-Doshi?.

Përtej të gjitha manipulimeve dhe parregullsive, le ta quajme siç i pëlqen Lulzim Bashës, po e zëmë se vërtetë fitoi në garën brenda PD-së.

Por, beteja ku është?

Një ditë pas zgjedhjeve në PD, Basha doli në një deklaratë për mediat, dhe ndër të tjera tha se ?Faleminderit për mbështetjen e jashtëzakonshme! Ajo është një shprehje e qartë e besimit në rrugën tonë drejt ndryshimit. Sëbashku do bëjmë gjithçka që Shqipëria të fitojë?.

Por, çfarë fitoi Shqipëria, Zoti Lulzim Basha? Këtë përgjigje e meritojnë demokratët.

Basha tha se kërkon ti besojnë partinë që të vijojë ?beteja? kundër regjimit, megjithatë duket se prej datës 14 qershor, pra prej gati tre ditësh, Basha duket se po bënë ?beteja? me gjumin.

Nëse shikojmë në faqen zyrtare të PD, dhe në faqen e Lulzim Bashës në rrjetet sociale, që pasi falendero demokratët për ?besimin? në datë 14 qershor, nuk ka më asnjë reagim apo dalje meditike të Lulzim Bashës.

Sot është data 17 qershor, ndërsa dalja e tij e fundit mediatike ishte në 14 qershor.

Nga ana tjetër, Lulzim Basha ka vijuar të përsërisë se ? nuk e njeh masakrën zgjedhore të 25 prillit?, por ama në parlament do të futet.

Demokratët tashmë, që po e zëmë se ia besuan sërish partinë, të paktën meritojnë që Lulzim Basha të tregojë se çfarë ?beteje? do bëjë, për të rrëzuar Ramën.

Sepse mesa duket betejat e tij, do fillojnë me një nxirje në bregdet, do shkojë të ujisë tulipanët në Holandë dhe të ajrosë shtëpinë, dhe në shtator do kthehet në parlament dhe do vijojë të flejë gjumë. Asgjë më shumë sesa kaq./CNA.al

Procesi skandaloz zgjedhor në PD/ Nga zhdukja e anëtarëve në lista tek votimi në grup

Të gjitha manipulimet e procesit zgjedhor nga Lulzim Basha