web counter
LEXO PA REKLAMA!

SHKARKO APP

App Store
Google Play

Shehaj bën denoncimin e fortë/ Zyrtari i PD-së i dhunon vëzhguesen në zgjedhjet e 13 qershorit

16 Qershor 2021, 18:54, Politikë CNA

Kandidati për kryetar të PD-së në zgjedhjet e 13 qershorit, Agron Shehaj, ka bërë një denoncim të fortë mbrëmjen e sotme.

Shehaj ngre akuzat se Kryetari i Degës nr. 5 të PD-së në Tiranë i ka dhunuar vëzhguesen e tij Enkeleda Çela dhe e ka përzënë nga qendra e votimit.

Sipas tij, kjo gjë ka ndodhur pasi Çela ka kërkuar të siguronte zgjedhje të drejta brenda Partisë Demokratike.

?Enkeleda Çela është demokrate e orëve të para. Ajo ka luftuar dhe sakrifikuar në çdo zgjedhje për të mbrojtur votat e Partisë Demokratike. Por më 13 Qershor, Enka u dhunua nga Kryetari i Degës nr 5 në Tiranë dhe u përzu nga qendra e votimit vetëm sepse ishte vëzhguese e imja dhe kërkoi të siguronte zgjedhje të drejta brenda partisë tonë.

Shumë demokratë të tjerë më kanë dëshmuar se janë përjashtuar nga e drejta për të votuar. Jam pranë tyre dhe do bëj çdo gjë që mundem që zëri i tyre të dëgjohet. Partia Demokratike lindi si partia e lirisë dhe mund të bëhet fituese vetëm nëse është e lirë dhe demokratike. Me ju, deri në fund?, shkruan demokrati në rrjetet sociale krahas një fotoje me vëzhguesen./ CNA.al





Lajmet e fundit nga