web counter
LEXO PA REKLAMA!

SHKARKO APP

App Store
Google Play

Marota: Eriksen na shkroi vetë, nuk ka kaluar COVID dhe as nuk është vaksinuar

13 Qershor 2021, 07:29, Sport CNA

Administratori i Interit, Xhuzepe Marota, ka shpjeguar se si është përjetuar dëmtimi i mesfushorit danez në klubin zikaltër. Ai ka shpjeguar se menjeherë të gjithë lojtarët e stafi kishin komunikur me njëri-tjetrin, por fatmirësisht më pas ishin qetësuar pasi kishin mësuar situatën e vërtetë të futbollistit nga stafi i përfaqësueses së Danimarkës.

?Kemi parë disa imazhe, dinamika e të cilave bënte të mendoje për diçka dramatike, që për fat të keq kemi parë edhe në fushat e futbollit në Itali. Ndaj fillimisht dua të falënderoj të gjithë ata që kanë treguar ngrohtësi, sporti edhe një herë tjetër ka treguar se ka vlera shumë të mëdha, kishte afrimitet dhe bashkim për një lojtar i cili në atë moment i përkiste përfaqësues së Danimarkës.

COVID? Jo, nuk ka qenë as i vaksinuar. Thjesht duhet pranuar ajo që ka ndodhur. Në këtë moment Eriksen është pjesë e përfaqësueses dhe është e drejtë që të jenë ata që të shpjegojnë situatën shëndetësore. Mund të them vetëm se stafi mjekësor i ynë ka qenë në kontakte me ta menjëherë.

Festimi i Lukakut? Djemtë janë shumë të lidhur mes tyre, ka shumë afrimitet brenda grupit, Kemi diskutuar të gjithë pasi kemi parë ato skena shumë të rënda, kemi telefonuar dhe kemi folur menjëherë. Na kanë qetësuar, nuk duam të bëhemi shumë të ngutshëm pasi duhet respektuar privatësia e tij. Por mund të them vetëm se 10 minuta më parë, vetë Eriksen na dërgoi një mesazh në gripin tonë dhe kjo konfirmon edhe një herë lidhjen që ka krijuar ekipi?, tha Marota.





Lajmet e fundit nga