web counter
LEXO PA REKLAMA!

SHKARKO APP

E fundit!

x

Florenzi “prish” mbrëmjen e Italisë, dëmtohet dhe humb ndeshjen ndaj Zvicrës

12 Qershor 2021, 13:17, Sport CNA

Shumë e komentuan si vendim taktik të trajnerit Roberto Mancini, për të lënë në dhomat e zhveshjes Alessandro Florenzin dhe për të aktivizuar Di Lorenzon në fillim të pjesës së dytë të ndeshjes me Turqinë, por nuk ka qenë aspak i tillë.

Mbrojtësi në pronësi të Romës bëri mirë në pjesën e parë, por ndjeu një shqetësim në pulpë dhe duke parë intensitetin e kompeticionit, Mancini ndërhyri për ta lënë në stol dhe për të mos rrezikuar një dëmtim më serioz.

Ndërkohë sot mbrojtësi u është nënshtruar edhe ekzaminimeve mjekësore, nga të cilat është konfirmuar se nuk kemi të bëjmë me një dëmtim serioz, por gjithsesi Florenzi nuk do të jetë në dispozicion të Mancinit për ndeshjen e dytë në grup, atë ndaj Zvicrës javën e ardhshme.

Zëvendësimi në kohë në sfidën e djeshme, ka bërë që të shmanget një dëmtim më i rëndë dhe tani Florenzi do të nisë një program të shpejtë rikuperimi për t?u rikthyer në fushë për përballjen me Uellsin.





Lajmet e fundit nga