web counter
LEXO PA REKLAMA!

SHKARKO APP

App Store
Google Play

Bojkotohen zgjedhjet e PD/ Pjesëmarrja katastrofë në votime

13 Qershor 2021, 10:46, Politikë CNA

Partia Demokratike po zhvillon sot zgjedhjet për kryetar me një pjesëmarrje më të ulët se kurrë.

Është mesditë dhe pjesëmarrja është katastrofë.

Nga 75 mijë anëtarë që ka deklaruar kreu i Komisionit Zgjedhor  Jemin Gjana, pjesëmarrja paraqitet e dobët.

Sipas të dhënave zyrtare të siguruara nga PD , në Qarkun Korçë, ku lista ka 5 400 anëtarë, kanë votuar  votuar 600-800 vetë në të gjithë Qarkun.

Pjesëmarrja më e ulët në Qarkun e Korçës është në Bashkitë Maliq, ku deri më tani kanë votuar vetëm 110 anëtarë dhe e njëjta situatë paraqitet edhe  në Kolonjë.  Edhe në Bashkinë e Korçës pjesëmarrja paraqitet shumë e ulët.

E njëjta situatë shfaqet në Elbasan, në Librazhd dhe Prrenjas, ku pjesëmarrja është më e ulta historike.

Nuk mund të bësh dhe nuk ka një krahasim me zgjedhjet e 2013-s apo me 2017-s.

Kujtojmë se listat e zgjedhësve kanë një ndryshim nga viti 2017.

Janë hequr me mijëra emra. Në rast se në vitin 2017 u deklarua për një pjesëmarrje prej 59.834 anëtarësh,  pra 50 përqind më pak se koha kur ishte 2013 mes Olldashit dhe Bashës, këtë herë listat janë të përgjysmuara, ku kanë tre herë më pak anëtarë.

Kjo për të bërë të mundur, një gënjeshtër tjetër të Lulzim Bashës  për të rritur pjesëmarrjen në votim.

Pra, me  listat e 2017 apo 2013 pjesëmarrja në votim sot do të ishte një katastrofë e vërtetë, ku pjesëmarrja do të shkonte deri në 4 përqind.

Por me heqjen e shumë emrave nga lista është  rritur në mënyrë fiktive diku tek 6 deri në  8 përqind.

Basha e ka gjetur këtë formulë, pra fshirjen e emrave  për të rritur në mënyrë fiktive pjesëmarrjen. Dhe në fakt pjesëmarrja është shumë e ulët aq sa duket se ka  një bojkot total dhe për më tepër po votohet pa teserë dhe pa pasur emrin në listë./CNA.al





Lajmet e fundit nga