web counter
LEXO PA REKLAMA!

SHKARKO APP

App Store
Google Play

“Po përjashtojnë vëzhguesit e mi”/ Gjana vë Shehajn para përgjegjësisë: Kriteret janë të qarta

13 Qershor 2021, 09:39, Politikë CNA

Kryetari i Komisionit Zgjedhor në PD, Jemin Gjana, ka dhënë detajet e para të mbarëvajtjes së procesit të votimit.

Ai tha se deri më tani kanë votuar 12 mijë e 900 anëtarë dhe se nuk ka pasur vonesa në provesin e votimit.

Ai gjithashtu iu përgjigj edhe akuzave të kandidatit Agron Shehaj i cili pak më parë denoncoi se vëzhguesit e tij janë duke u përjashtuar dhe po pengohen që të monitorojnë procesin.

?Procesi ka ecur normalisht. Nuk ka patur vonesa në fillimin e  procesit. Deri tani kanë votuar 12 mijë e 900 anëtarë.

Sapo të nxjerrim një të dhënë të dytë që do fillojmë të mbledhin, do ju bëjmë me dije ecurinë e pjesëmarrjes.

Nuk është përjashtuar asnjë vëzhgues. Kemi pasur probleme në 7 apo 8 raste të përfaqësuesve të kandidatit Shehaj, erdhën disa propozime, që u refuzuan nga Komisioni, është e qartë se pse, pasi një pjesë e tyre nuk kanë pasur kartë anëtarësie, dhe nuk është pranuar që të ndërrohen vendet nga një komision në një tjetër.

Është refuzuar që në njësinë 2 të jetë vëzhgues një anëtar i njësisë 5. Unë po ju bëj me dije se vetëm në orët e mëngjesit, derimë tani për llogari të kandidatit Shehaj, janë marrë vendime dhe janë marrë me përfaqësues të tjerë shumë degë në vend.

Në Shkodër ende nuk futet vëzhgues në emër të zotit Shehaj, për shkak se ka shkuar i vëllai, gjë që është e pamundur të bëhet.

Është bërë ndërrimi i vëzhgueses në njësinë 5, e cila shkaktoi për dy orë rresht probleme në qendrën e votimit. Ndalohet fotografimi i listës dhe i fletëve të votimit, zonja ka bërë veprime të kësaj natyre. Kjo nuk do të thotë që nuk ka përfaqësim por ka kritere saktësisht të qarta.?/CNA.al

 

 





Lajmet e fundit nga