web counter
LEXO PA REKLAMA!

SHKARKO APP

App Store
Google Play

Krimet zaptojnë vendin/ Zbardhet urdhëri i Veliut për krerët e Policisë

9 Qershor 2021, 12:15, Kronika CNA

Parandalimi i ngjarjeve kriminale, i kultivimit të kanabisit dhe ndërtimeve pa leje, kanë qenë fokusi i takimit të Drejtorit të Përgjithshëm të Policisë së Shtetit Ardi Veliu me Drejtorët e Departamenteve, Drejtorët Qendrorë e Vendorë dhe shefat e Komisariateve në vend.

Nisur nga ngjarjet e fundit në fushën e krimit ndaj personit dhe të dhunës në familje,  Veliu ka zhvilluar një takim pune me drejtuesit e strukturave qendrore dhe vendore.

Ndër të tjera, numri një i Policisë së Shtetit ka kërkuar prerë e qartazi, reagim të menjëhershëm të strukturave policore, me qëllim parandalimin e ngjarjeve kriminale, kapjen e personave që qarkullojnë me armë zjarri, që tentojnë të kultivojnë apo trafikojnë lëndë narkotike dhe atyre që kryejë ndërtime pa leje apo krime të tjera mjedisore.

“Të rritet efikasiteti i veprimeve për parandalimin e kultivimit të kanabisit në territor, duke bashkëpunuar me të gjithë aktorët dhe faktorët që ligji i ngarkon me përgjegjësi dhe të ushtrohet kontroll i përditshëm i territorit duke përdorur dronët, si dhe duke marrë të dhënat nga monitorimi ajror i GdF-së.

 Strukturat e Policisë në të gjithë vendin, por sidomos në zonat bregdetare, zonat urbane dhe ato të mbrojtura, të veprojnë me tolerancë zero ndaj ndërtimeve pa leje duke proceduar me arrestimin e atyre që kryejnë këto ndërtime.

 Qëndrimi i mëtejshëm në detyrë i secilit prej drejtuesve të strukturave vendore do varet nga reagimi i strukturave që keni në menaxhim, nga rezultati i parandalimit të veprimtarisë kriminale në cilëndo fushë që ajo do shfaqet?, theksoi drejtori i PSH./CNA.al





Lajmet e fundit nga