E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vendosur masën e sekuestrimit pasu...

Pamje të rënda/ Mediat greke publikojnë momentin e ekzekutimit të Aris Papas

7 Qershor 2021, 18:35, Kronika CNA

Teksa kanë kaluar 9 ditë nga vrasja e një të riu me origjinë shqiptare, në shtetin grek, mediat e vendit fqinj kanë publikuar pamjet e momentit të ekzekutimit të tij. Në video duket se 34-vjeçari po konsumonte një pije në një lokal në Athinë, kur i është afruar një person i maskuar dhe e ka qëlluar me armë tip pistoletë. Papas, në tentativë për t?iu shpëtuar plumbave, futet brenda në lokal, deri sa në një moment bie në tokë pa shenja jete. Ndërsa nga ana tjetër shihen punonjësit e lokalit dhe klientët e tjerë që largohen.

Por kush është Aris Papas?

I skeduar për grabitje, vrasje e trafik narkotikësh. Tre herë shenjestër e atentateve, ku më e hershmja daton në vitin 2008. Papas ishte pjesë e një grupi të madh kriminal, pjesa me e madhe e te cileve të dënuar ose të vrarë në atentate mafioze. Grupi i të cilit ishte pjesë, ishin akuzuar ne vitet 2007-2008, si ekzekutorët e 12 qytetarëve dhe plagosjen e 13 të tjerëve. Edhe vetë 34-vjeçari ruhej nga një atentat i mundshëm. Ai lëvizte me antiplumb dhe i armatosur, ndërsa sipas dëshmive të mëhershme të dhëna, Papas shprehej se ndihej i kërcënuar. Edhe nëna e tij, ditën e ngjarjes, tha para mediave se vrasja e të birit ishte porositur nga burgu, pistë kjo që po hetohet edhe vetë organet kompetente.

Në kuadër të kësaj situate aspak të zakonshme, institucionet e vendit fqinj kanë hartuar një listë të zezë me 500 mafiozë që veprojnë brenda territorit të tyre. Një pjesë e tyre jashtë, por edhe nga ata që vijojnë aktivitetin nga burgu. Në një hark të shkurtër kohor, greqia u trondit nga 2 vrasje mafioze.

Nëse kanë lidhje me njëra-tjetrën apo jo, kjo mbetet për t’u parë në përfundim të hetimeve. Vetë hetuesit grekë janë shprehur në mediat vendase se lufta është e ashpër dhe larja e hesapeve mund të vazhdojë. Këto përplasje të njëpasnjëshme mes grupeve kriminale në territorin grek dhe jo vetëm, kanë prodhuar deri më tani dhjetëra viktima./CNA.al