web counter
LEXO PA REKLAMA!

SHKARKO APP

App Store
Google Play

Dalja e tezës së provimit/ Nora Malaj: Faji i administratorëve, të vendosen persona të trajnuar

7 Qershor 2021, 18:18, Kronika CNA

Ish-zv. ministrja e Arsimit Nora Malaj, ka reaguar mbi daljen e tezës së provimit të maturës shtetërore  në lëndën e Gjuhë-Letërsisë, pak pas nisjes së testimit mëngjesin e sotëm.

Në një prononcim për Fax news, Malaj thekson se ky fenomen i ndodhur shpeshherë në vendin tonë, duhet të çojë në ndryshimin e rregullores së maturës shtetërore, ku mos të ndëshkohet më vetëm nxënësi në rastin e shkeljeve, por të ndëshkohet dhe administratori që monitoron procesin.

Malaj këshillon certifikimin dhe trajnimin e administratorëve me qëllim që të zbatojnë me rigorozitet mbarëvajtjen e provimeve të maturës shtetërore.

?Të gjithë i drejtojmë sytë nga tjetri dhe nuk i drejtojmë nga vetja. Nuk ka mundësi që një administrator që ka 10 deri në 15 nxënës të mos e kuptojë çfarë po ndodh në klasë. Duket nxënësi që është i shqetësuar dhe po fotografon tezën për t?ia çuar dikujt.

Ndaj këtu duhet ndryshuar dhe rregullorja e maturës shtetërore, nuk duhet të ketë penalizime vetëm për nxënësit por duhe të ketë starndatizim për administratorët dhe mësuesit të cilët marrin përsipër këtë proces.

Kur marrim kategorinë e maturantëve që nesër do vijnë studentë, nuk duhet që ata të mësohen me marrjen e një gjëje të pamerituar, por të investojnë në dijet e tyre. Por që të investojnë në dijet e tyre, detyra e parë është e institucionit të Ministrisë së Arsimit që duhet të marrë përgjegjshmërinë maksimale, jam e bindur se tani ka ardhur momenti që të bëhet standartizimi i procesit të provimit dhe gjëra të tilla mos të ndodhin më.

Certifikimi i administratorëve të mos jetë thjeshtë marrja e mësuesve të zakonshëm për të mbikqyrur procesin, por të vendosen persona të trajnuar për këtë proces?, tha  Malaj.

 





Lajmet e fundit nga