web counter
LEXO PA REKLAMA!

SHKARKO APP

App Store
Google Play

E fundit!

x

Video- Lulzim Basha: Votoni Agron Shehajn

8 Qershor 2021, 12:42, Politikë CNA

Të dielën në datën 13 qershor, pritet të mbahen zgjedhjet për kreun e PD-së, ku në garë janë 4 kandidatë, vetë kreu i PD-së, Lulzim Basha, Edith Harxhi, Fatbardh Kadilli dhe Agron Shehaj.

Por, ndërsa na ndajnë vetëm 4 ditë nga data e zgjedhjeve, ne po risjellim në vëmendje një deklaratë të bërë nga Lulzim Basha, për një nga kandidatët që garojnë për kreun e PD-së.

Në vitin 2017, Lulzim Basha e quante Agron Shehajn një model suksesi.

Në një dalje në emisionin ?Opinion?, Basha deklaronte se ?Është sipërmarrës, por Agron Shehaj është diçka tjetër. Agron Shehaj është modeli i suksesit. Më kujton veten time, por unë kam pasur profilin public me institucione ndërkombëtare, me tribunalin e Hagës, me OKB-në. Por, ky është një djalë që ka dalë nga Vlora, siç kam dalë unë nga Tirana në fillim të viteve ?90, me asnjë lek në xhep, ka shkuar ka mbaruar Financë-ekonomi në Itali dhe ka ndërtuar me shpatullat e veta biznesin e tij në Itali, në fushën e teknologjisë dhe informacionit. Është ndër sipërmarrësit kryesorë në rajonin e Italisë, ka investime nga Roma në Londër. Ka 2 mijë vende pune në Tiranë, ka 200 vende pune në Vlorë dhe do ti bëjë 600.?.

Ndërsa më tej, ai deklaronte se i janë dashur gjashtë muaj për ta bindur Agron Shehajn të futet në politikë, dhe se ky i fundit vinte nga një familje me traditë patriotike.

Por ndërsa rikthejmë në vëmendje atë që vetë Lulzim Basha ka deklaruar, atëherë le të shkojnë dhe ta votojnë në 13 qershor.

Meqë e do edhe vetë Luli, Agron Shehaj le të marrë drejtimin e partisë./CNA.al





Lajmet e fundit nga