web counter
LEXO PA REKLAMA!

SHKARKO APP

App Store
Google Play

E fundit!

x

Ndalimi i gazetarëve në Kuvend/ Meta i bën thirrje Qeverisë

8 Qershor 2021, 10:02, Politikë CNA

Pas vendimit të Kuvendit për moslejimin e mediave në seancat plenare dhe në komisione, presidenti Meta ka reaguar në rrjetet sociale duke e cilësuar si një vendim antidemokratik.

Sipas Metës ky është një vendim i dënueshëm dhe një partiak dhe i bën thirrje Kuvendit dhe mazhorancës të ëtrhiqen menjëherë nga këto praktika që sipas tij po dëmtojnë seriozisht integrimin e Shqipërisë në BE.

?I dënueshëm, i papranueshëm dhe antidemokratik, vendimi i Kuvendit njëpartiak për ndalimin e raportimit të pavarur të gazetarëve dhe zëvendësimin me transmetime zyrtare të kontrolluara.

Ky akt, që vjen në të njëjtën kohë me nxitimin e mazhorancës për uzurpimin në mënyrë të njëanshme dhe vendosjen nën kontroll të plotë të Autoritetit të Mediave Audioviziv, kufizon lirinë dhe pavarësinë e medias, instalon një regjim censure, shkel të drejtat e njeriut dhe dëshmon sërish armiqësinë e këtij Kuvendi monist me lirinë e medias dhe demokracinë në Shqipëri.

Është pikërisht Kuvendi aktual, që në historinë e parlamentarizmit pluralist ka marrë vendimet më skandaloze për shtypjen e fjalës së lirë, përfshi miratimin dhe mostërheqjen prej gati një viti të paketës antikushtetuese ?Antishpifje?, në refuzim të hapur të rekomandimeve të Komisionit të Venecias.

Duke mbështetur shqetësimin e drejtë të komunitetit të gazetarëve të pavarur shqiptarë dhe të kolegëve të tyre të huaj, mbi regresin e Shqipërisë në raport me lirinë e medias, i bëj thirrje Kuvendit monist dhe mazhorancës të tërhiqet menjëherë nga këto praktika të ngjashme me regjimin e Lukashenkos, që po dëmtojnë seriozisht integrimin europian të vendit. ???, shkruan Ilir Meta./ CNA.al





Lajmet e fundit nga