E fundit!

07:08 Sociale

Vranësira dhe reshje kalimtare/ Moti për ditën e sotme, 4 qershor 2026

Ditën e enjte, vendi ynë do të ndikohet nga kushte atmosfe...

Fundi i Metës/ Nesër Kuvendi vendos fatin e Presidentit

8 Qershor 2021, 07:01, Politikë CNA

Nesër në orën 10:00 Parlamenti i Shqipërisë do të mblidhet në një seancë të posaçme për të diskutuar dhe më pas votuar raportin e Komisioni Hetimor parlamentar ?Për hetimin e shkeljeve të rënda kushtetuese nga Presidenti i Republikës së Shqipërisë?, i cili i propozon Kuvendit shkarkimin e Presidentit të Republikës.

Sipas ligjit, shkarkimi i Presidentit nga detyra kërkon 94 vota, ndërkohë që votimi është i fshehtë.

Më herët Meta ndërsa është pyetur për këtë proces ka thënë, se ai do të largohet nga Presidenca në Korrik të vitit 2022, kohë kur I mbaron mandati.

Meta u hetua për shkelje të Kushtetutës

Komisioni Hetimor për shkarkimin e Presidentit Meta vendosi përfundimin e hetimeve për të, më 26 maj.

Komisioni shqyrtoi mes të tjerash materiale të cilësuar si prova: 27 CD të vendosura në dispozicion nga AMA që përmbanin deklarata të Presidentit, informacion nga SHIK si dhe informacione sekrete nga Policia e Shtetit, dokumente nga Prokuroria e Përgjithshme dhe SPAK.

Meta u thirr për të dëshmuar por, në vijimësi refuzoi, duke thënë se nuk e njihte si Komision dhe se nuk ka legjitimitet. Pati zëra nga anëtarët e Komisionit për të marrë forcërisht Metën për të dëshmuar, ashtu siç e parashikon Kodi i Procedurës Penale, por pjesa më e madhe e anëtarëve votuan kundër këtij akti.

Sipas Komisionit hetimor, Presidenti Ilir Meta u kthye në frymëzues të dhunës duke shkelur nenin 88 të kushtetutës si dhe atë 98 duke u përfshirë në fushatë elektorale.

Janë 11 nene të Kushtetutës që pretendohet se janë shkelur nga Presidenti, para, përgjatë dhe pas fushatës zgjedhore.

Komisioni konstatoi, se Presidenti bëri fushatë hapur kundër partisë në pushtet dhe se roli i tij nuk perceptohej në popull si unifikues.

Pjesë nga raporti i Komisionit Hetimor

?Sjellja e presidenti duhet të jetë në unitet dhe ekuilibrues në jetën politikë të vendit dhe kjo jo vetëm në respektimin e Kushtetutës, por dhe të perceptohet nga populli si i tillë.

Presidenti nuk duhet të bëjë pjesë në asnjë parti politike, presidenti duhet të jetë uniteti por edhe duhet të shihet dhe perceptohet nga i gjithë populli si neutral.

Kryetari i shtetit nuk duhet të mbështesë forca të caktuara apo t?i kundërvihet forcave të ndryshme politike. Presidenti bëri një fushatë kundër partisë në pushtet me të gjithë fuqinë institucionale të tij.

Presidenti kishte kërkuar publikisht ndryshimin e qeverisjes me referendumin e tij popullor, ky ishte rezultati i vetëm i pranueshëm për të çdo rezultat tjetër nënkuptonte se vota ishin vjedhur, prandaj, PS dhe qeveria e saj duhet të përballeshin me sfurqe, kosoret, lopata, sopata.

Fakti që presidenti Meta nuk kishte asnjë interes te mbrojtja e votës, e vërtetoj qartë nga mungesa totale e tij ndaj rastit të kapjes në flagrancë të eksponentëve të LSI-së në Dibër, Pukë dhe Tiranë në shkelje të dispozita të Kodit dhe në shkelje të dispozitave penale.

Për Presidentin fakti se institucionet e shtetit po vepronin në lidhje me fakte të kallëzuara si krime zgjedhore nuk kishte asnjë rëndësi. Presidenti shfaqi mungesë totale për të ftuar palët të ndiqnin me vendosmëri rrugën ligjore për ngritjen e pretendimeve të tyre.

Rezulton se Presidenti në të gjithë daljet e tij publike, që u morën në shqyrtim nga Komisioni Hetimor, ka kryer aktivitet politik duke e ftuar popullin për të treguar maturi dhe respekt kundër regjimit në fuqi.

Përdorimi i termave banda në pushtet, banda të Rilindjes, etiketimi i Këshillit të Ministrave si etiketues të Ndragetës, përdorimi i votimi me datë 25 prill si ditë referendumi, janë thirrje të hapura kundër mazhorancës qeverisëse, të ngjashme me ato që përdoren nga lider të partive opozitare.

Intimidimi i figurave të larta shtetërore si Kryeministri, deputet, drejtues politik të mazhorancës në qarqe të caktuara tregojnë anësi të qartë politike.

Presidenti ka shkelur edhe nenin 88 paragrafi 3 që parashikon detyrimin e tij në formulën e betimit, ku shprehimisht thuhet se ?Presidenti fillon detyrën pasi bën betimin para Kuvendit me një formulë të përcaktuar, ku shprehet se betohem se do t?i bindem Kushtetutës dhe ligjeve të vendit, do të respektoj liritë e shtetasve, do të mbroj pavarësinë e Republikës së Shqipërisë dhe do t?i shërbej interesit të përgjithshëm, përparimit të popullit shqiptarë?.

Për sa kohë në formulën e betimit, Presidenti merr betimin se do të respektojë Kushtetutën, që në nenin 86 paragrafi i parë përcakton rolin si përfaqësues i unitetit të popullit.

Komisioni Hetimor konstaton shkelje nga ana e Presidentit, rrjedhimisht në nenin 88 paragrafi 3 i Kushtetutës, ku betimi rezulton të jetë shkelur nga Presidenti.

Shkelja e betimit është një shkelje e rëndë kushtetuese.

Si deklarimet që presidenti ka bërë apo qëndrimet e tij gjatë proces zgjedhor, apo shkresat dërguar Gjykatës Kushtetuese apo KQZ jo vetëm nuk rezultojnë të jenë në përputhje me kompetencat e tij, por janë në tejkalim të kufirit që i lejon Kushtetuta?./CNA.al