web counter
LEXO PA REKLAMA!

SHKARKO APP

App Store
Google Play

Kërkesa për përjashtimin e 7 gjyqtarëve/ Kolegji Zgjedhor “rrëzon” PD

8 Qershor 2021, 08:42, Politikë CNA

Kolegji Zgjedhor ka rrëzuar kërkesën e PD për përjashtimin e 7 gjyqtarëve.

Sipas Kolegjit, pretendimi i ngritur nga PD nuk është i bazuar në ligj dhe se nuk ka asnjë arsye që shtatë gjyqtarët të përjashtohen.

Një ditë më parë PD njoftoi se Kolegji Zgjedhor nuk ka bërë transparencë zgjedhore, ndaj kërkon përjashtimin e 7 gjyqtarëve.

?Partia Demokratike kërkon përjashtimin e 7 prej 8 gjyqtarëve e Kolegjit Zgjedhor, që kanë rrëzuar paditë për Gjirokastrën, Vlorën dhe Beratin. Me vendinet e dhëna deri tani, këta gjyqtarë, njësoj si komisionerët politikë të KAS, refuzojnë transparencën mbi masakrën zgedhore te 25 prillit.

Refuzimi i i kërkesave të PD për marrjen zyrtarisht të provave i vendos këta gjyqtarë në pamundësi për të gjykuar me paanësi 6 kërkesat e tjera të ngjashme te PD për blerjen e votës dhe deformimin e rezultatit të zgjedhjeve përmes përdorimit të shtetit në funksion të PS.

Në kërkesën për zëvendësimin e 7 gjyqtarëve të Kolegjit Zgjedhor, PD argumenton se duke qenë se këta gjyqtarë e kanë shprehur tashmë mendimin e tyre kundër kërkesave të PD për zgjedhjet, ata do të vazhdojnë me të njëjtin qendrim. Kjo bën që vendimet e tyre për 6 paditë e tjera të PD të jenë të paracaktuara, në shkelje të Kushtetutës dhe Kodit Zgjedhor për një proces të paanshëm.

PD vlerëson se vazhdimi i ankimimeve me të njëjtën trupë zgjedhore, e cila është shprehur 3 herë me radhë  kundër kërkesës së PD për transparencën e zgjedhjeve, është në shkelje të parimeve themelore të Gjykatës së Strasburgut për dhënien e drejtësisë?, thuhej në njoftimin e PD./CNA.al





Lajmet e fundit nga