web counter
LEXO PA REKLAMA!

SHKARKO APP

App Store
Google Play

U shkarkua nga shoqata e bashkive/ Voltana Ademi nuk njeh vendimin: Është i paligjshëm

8 Qershor 2021, 14:47, Politikë CNA

Kryebashkiakja e Shkodrës Volatana Ademi ka reaguar sërish pas vendimit të sotëm për shkarkimin e saj si kryetare e Shoqatës së Bashkive.

Ademi shkruan se personat që kanë votuar nuk janë anëtarë të shoqatës ku ajo ishte kryetare, por janë anëtarë të Shoqatës për Autonominë Vendore, e krijuar nga Edi Rama në 2010-ën, ndaj vendimi  është ‘nul’ sipas saj.

?Për qytetarët që janë të interesuar për demokracinë në vend dhe rrezikun e lirive të tyre nga një kryeministër autoritarist si Edi Rama, një shpjegim i thjeshtë për të ashtuquajturin shkarkimin tim si kryetare e Shoqatës së Bashkive të Shqipërisë.

? Nuk ka asnjë vendim të ligjshëm shkarkimi. Personat që e kanë lajmëruar ketë vendim nuk janë anëtarë të shoqatës që unë drejtoj. Siç tregon linku më poshtë, ata janë anëtarë të Shoqatës për Autonominë Vendore, e krijuar nga Edi Rama në 2010-ën.  Pas votimeve të paligjshme të 30 Qershorit 2019, anëtarë të kësaj shoqate janë të 60 bashkitë që urdhërohen nga Edi Rama. Pra, edhe ato bashki, si Lezha, dikur anëtare të Shoqatës së Bashkive të Shqipërisë, janë larguar për t?iu bashkuar shoqatës së PS.

? Nga pikëpamja ligjore, vendimi i sotëm është nul, nuk ekziston për asnjë institucion serioz. Sigurisht, nuk mund të pranohet si i vlefshëm as nga Gjykata Kushtetuese, ku Shoqata e Bashkive të Shqipërisë ka kërkuar shpalljen e pavlefshme të votimeve të 30 Qershorit 2019.?/CNA.al





Lajmet e fundit nga