web counter
LEXO PA REKLAMA!

SHKARKO APP

App Store
Google Play

E fundit!

x

"Të mbrojmë Vjosën"/ Apeli i fortë i Metës: Kujdesi ndaj mjedisit është një mision

7 Qershor 2021, 12:52, Politikë CNA

Në kuadër të ditës botërore të Mjedisit, Presidenti Ilir Meta ka takuar ditën e sotme ambientalistë dhe ekspertë mjedisorë.

Gjatë fjalës së tij kreu i shtetit është ndalur sërish tek çështja e Lumit Vjosa.

Meta theksoi se duhet të mbrojmë Vjosën, lumin e fundit e të madh të Europës duke e shpallur atë sa më parë Park Kombëtar.

Në një postim në rrjetet sociale, Meta shkruan se kujdesi ndaj mjedisit është një mision, përgjegjësi dhe detyrim ndaj gjeneratave.

?Në kuadër të Ditës Botërore të Mjedisit, së bashku me ambientalistë, ekspertë mjedisorë dhe aktivisitë të shoqërisë civile organizuam sot një veprimtari ndërgjegjësuese për të nxitur Qeverinë dhe inkurajuar qytetarët, organizatat dhe shkencëtarët mbi nevojën e marrjes së vendimeve dhe mbrojtjes së kauzave për mbrojtjen e mjedisit dhe pasurive natyrore të jashtëzakonshme, që Zoti i ka falur Shqipërisë, por që kaq shumë janë rrezikuar vitet e fundit nga keqshfrytëzimi dhe dëmtimet serioze.

Të mbrojmë Vjosën, lumin e fundit të madh e të egër të Europës, duke e shpallur atë sa më shpejt, së bashku me Shushicën dhe Bënçën, degët kryesore që e furnizojnë me ujë, Park Kombëtar. Kujdesi ndaj mjedisit është një mision, përgjegjësi dhe detyrim ndaj gjeneratave, që do të vijnë?, shkruan Meta.





Lajmet e fundit nga