web counter
LEXO PA REKLAMA!

SHKARKO APP

App Store
Google Play

Sulmuesi më i kërkuar në Superiore! Ka garë me “faturë” 100 mijë euro për brazilianin

3 Qershor 2021, 09:58, Sport CNA

Devid de Santana Silva zbarkoi në futbollin shqiptar si një emër i panjohur në verën e kaluar. Por kur është nisur pak ditë më parë për pushime drejt Brazilit, lojtari 25 -vjeçar i Kastriotit është larguar si sulmuesi më i kërkuar në Kategorinë Superiore.

10 gola të shënuar në edicionin e tij të parë në kampionatin tonë, por sidomos fakti se shpesh bënte repart i vetëm duke çekuilibruar mbrojtjet kundërshtare, e ktheu Devid në një nga emrat më të kërkuar në futbollin shqiptar, me klubet kryesore që janë venë në garë për të siguruar shërbimet e tij.

VIP Sport mëson se që tani ka interesim konkret për transferimin e tij nga klubet e Partizanit, Tiranës dhe Kukësit, që janë gati të nënshkruajnë menjëherë me e brazilianin. Teuta është skuadra e katërt, por ajo për momentin e kërkon në huazim vetëm për Kupat e Europës, pasi për një transferim përfundimtar duhet të sistemojë më parë Krasniqin.

Në këtë situatë, te Kastrioti po fërkojnë duart, pasi investimi që kanë bërë vitin e kaluar mund t?u sjellë të ardhura të rëndësishme. Lojtari ka edhe një vit kontratë me krutanët dhe këta të fundit, për ta lënë të lirë, kërkojnë 100 mijë euro nga klubet e interesuara. Një faturë e kripur, por që mes drejtuesve të Superiores ka filluar të shihet si një investim për të ardhmen, pasi janë të sigurt se herët a vonë, sulmuesi do të bjerë në sy të klubeve të huaja dhe investimi i tanishëm, mund të sjellë fitime më të rëndësishme në të ardhmen.





Lajmet e fundit nga