Tkurrja e anëtarësisë së PD/ Lisandër Hoxha këshilla Bashës: Na kurse inventarizmin prej magazinieri

27 Maj 2021, 18:53, Politikë CNA

Në datën 13 qershor Partia Demokratike do të shkojë në zgjedhje të brendshme për të zgjedhur kryetarin e ri, pas humbjes së zgjedhjeve të 25 prillit.

Ndryshe nga zgjedhjet e 2017-tës, këtë vit do të votojnë rreth 28 mijë anëtarë më pak. Një gjë të tillë e bëri të ditur kryetari i Komisionit Zgjedhor Jemin Gjana.

Lidhur me këtë reagoi ish nënkryetari i FRPD Lisandër Hoxha, i cili akuzoi këtë të fundit për mospërfshirjen e të rinjëve në zgjedhje.

Sipas tij, Bashës i duhen forumet rinore sa për brohoritje dhe jo për votime për kryetarin e ri.

Një tjetër shqetësim që ngriti nën kryetari i FRPD ishte edhe se kandidatët që janë në garë kanë mungesë të emrave të antarësisë , duke i cilësuar zgjedhjet e 13 qershorit si farsë.

Postimi i plotë i Lisandër Hoxhës:

Komisioni Zgjedhor foli: FRPD nuk voton dot per Kryetarin e ri te PD. Pra 20 mije te rinj duhen vetem per duartrokitje, brohoritje dhe asgje me shume.

Ndersa 28 mije anetar qe ishin ne listen e 2017 u shpallen pasiv nga juristi i anekskontratave te PD duke u hequr te drejten e votimit.

Kandidatet nuk kane te drejte te kene komisioner ne proçesin e votimit dhe numerimit, por vetem ‘vezhgues’!

Kandidatet ne gare nuk kane akses ne emrat e anetaresise dhe ata duhet ta marrin me mend se ke te takojne ne plot 17 dite gare!

Kjo farse, miq, eshte aq patetike sa nuk e mbron dot edhe po te jesh kryeservili i oborrit te zhabave.

Nese vertete te duhej vula me çdo kusht, mund te na e kurseje kete palaço gare dhe inskenimet me kandidat te forte nga barku i koorporatave te sklleverve dixhital!

Te na e thoje privatisht se nuk iken dhe na kurseje edhe kritikat e natyrshme mbi veprimet e tua!

Tani, o fituesi i vetem i garave te brendshme, lexoje keshillen time:

Partia nuk eshte vula, por jane ata qe te erdhen pas çdo teke qe kishe keto 8 vite. Jane ata qe erdhen me para borxh dhe te mbushen sheshet, ndersa ti u mbushe barkun me premtime dhe mushkerite me gaz. Jane ata mijra te rinj qe jane proceduar penalisht ne aksionet tona politike. Jane ata qe te ruajten cadren, sikur te ishte “Meka” e demokracise. Jane te larguarit nga puna per motive politike. Jane emigrantet ekonomik. Deshmoret e kauzave te braktisura, si Astiri dhe Teatri Kombetar. Jemi ne, njerezit e zakonshem te ketij vendi, qe nuk pajtohemi me arrogancen, hiprokizine dhe krenarizmin absurd te humbesve te pamposhtur. Ne jemi partia, o fitues! Sa me larg te rrish nga ne, aq me pak te vlen vula! Sa per analizen e zgjedhjeve, te keshilloj te na kursesh inventarizimin e rradhes prej magazinieri, qe vetem ankohesh se te vjedhin dhe del gjithmone me humbje.

Kujdes! Syte e tyre te zhgenjyer jane sot mbi ty dhe te gjithe protagonistet e humbjes se 25 Prillit. Gjykimi i tyre duhet te jete shqetesimi yt me i madh./CNA.al