web counter
LEXO PA REKLAMA!

SHKARKO APP

App Store
Google Play

Kokëdhima: Kriminale nëse nuk respektojmë tifozët e Vllaznisë

25 Maj 2021, 06:10, Sport CNA

Koço Kokëdhima, presidenti i Apolonisë, ka deklaruar se skuadra e tij do të respektojë kampionatin edhe në javën e fundit, ndonëse aludohet se mund të tolerojë ndaj Teutës që është në garë për titullin kampion. Duke folur në ?Skaner?, ai theksoi se do respektohej në maksimum edhe interesi i qindra tifozëve të Vllaznisë që e kishin kontaktuar për të kërkuar një ndeshje të drejtë, brenda mundësive të Apolonisë.

?Nuk kemi asnjë siklet nga ftesat që të respektojmë garën, të luajmë ndershëm. Këtë e kemi dëshmuar gjithmonë, madje po respektojmë kampionatin deri në fund. Është detyra jonë të jemi ndershëm deri në fund dhe do bëjmë maksimumin deri në fund. Ne do luajmë si të ishim Vllaznia. Ne e bëjmë këtë për vete. Unë kam shumë respekt edhe për Teutën, edhe për sportdashësit e Teutës ashtu edhe për tifozët.

Vllaznia ka tifozë të shkëlqyer, më të mirë nga të gjithë skuadrat e Shqipërisë. Kjo na bën ne të bëjmë më të mirën në këtë ndeshje.

Jam i habitur me diskutimet a do të tolerojë Apolonia apo jo? Ne nuk mund ta bëjmë këtë, sepse nuk mund t?i mësojmë të rinjtë tanë me këtë mënyrë për shkak se është shkatërrimtare. S?ka asnjë interes që ne të përfshihemi në tolerime. Nuk ka shans, sepse shkatërrojmë një investim. Për kë ta bëjmë këtë? Ne jemi komplet indiferent se kush del kampion. Unë kam pëlqyer Laçin. Kam pëlqyer trajnerin e Partizanit. Vllaznia për më tepër nuk duhet të kishte shkuar në këtë situatë.

Do ishte kriminale që mos ta justifikonim pritshmërinë e tifozëve të Vllaznisë. Më kanë shkruar nga e gjithë bota. Duhet të kuptojmë edhe se Apolonia nuk është superfuqi, se ndryshe do qëndronte në Superligë.

Unë kam marrëdhënie të shkëlqyer me presidentin e Teutës, por kurrë nuk është hapur një temë e tillë. Nuk ka vend për asnjë insinuatë të tillë?, tha Kokëdhima.





Lajmet e fundit nga