Kabo: Arbitrave shqiptarë t'u kontrollohen pasuritë, janë të komanduar

25 Maj 2021, 06:36, Sport CNA

Akademiku Përparim Kabo insiston se gjykimi mbetet hallka më e dobët, por njëkohësisht edhe vendimmarrëse në futbollin shqiptar. Në fjalët e tij në ?Procesi Sportiv?, ai e cilësoi gjykimin e kampionatit si një problem të madh dhe kërkoi një veting e kontroll pasurie për gjyqtarët në futbollin shqiptar që bënin gabime të tillë si ai i Jorgjit.

?Javën që kaloi Jemini tha që më habit që në vend të dalin të gjykojnë më të mriët, dalin skalioni i dytë. Ndërsa Sinemati bëri profeci, tha prisni dy javët e fundit, atëherë do të shihni. Po kush është Jorgji? Ai është gjyqtari që para katër vitesh bëri skandal në Kukësi-Skënderbeu. Ai lojtari që ishte ikona e futbollit shqiptar e tani është zëvendëstrajner i kombëtares shqiptare, i grisi kartonin para fytyrës. Në atë kohë e kritikuam dhe dikush më shkroi nga Elbasani që është njeri i ndershëm dhe fillova të reflektoja e thashë mund të jetë gabim njerëzor. Po ky person gabon përsëri. Në transmetim Jupi tha që është penallti apo jo, nuk ka pse merr kaq kohë. Koha që mori ai ishte të konsultohej me VAR. Ai e pa vetë direkt e nuk e dha, e ka goditje këndi, bënë protestë lojtarët e Vllaznisë, bëri teatrin, sikur foli në kufje, foli me ata.

Cilët janë njerëzit që rekrutohen për t?u bërë gjyqtarë? A kontrollohen në edukimin shkollor, famijërinë, kualifikimin, lidhjen me sportin, atletikën? Apo mjafton të regjistrohen, paguajnë paratë, hyjnë në kurs e dalin gjyqtarë? A kontrollohen këta mendërisht? A kontrollohen rregullisht për shikimin? A i kanë këto parametra në rregull? Se po të marrim atë të Teuta-Partizani, aq i trashë ishte sa dorën e sulmuesit të Teutës e dha për dorë penalltie të Partizanit.

Nuk më intereson fare kush e fiton kampionatin, ta fitojë kush të dojë. Emocionet e sensibiliteti tejkalohen e është logjika që del në pah. Në fazën e parë Brdariç ka qenë kontestues, ka hyrë në fushë. Skënderbeun kur e mori ky trajner që mbajti në kategori tha nëse keni vendosur ta nxirrni nga kategoria ne nuk ju hapim rrugë. Trajneri i Apolonisë disa herë ka thënë që çfarë janë këto gjykime, ne e dimë forcën tonë. Presidenti i Bylisit, trajneri i Bylisit, kanë pasur kontestime. Vijmë te rasti Tirana-Kastrioti, skandal e ndëshkohet trajneri. Shkojmë në Durrës e atje e kanë shpallur hapur që nuk duam Jorgjin gjyqtar. Trajneri i Kukësit dhe presidenti hapur kanë thënë që na kanë dënuar gjyqtarët. Ndaj pothuajse të tërë ekipet nuk kanë mendim pozitiv për gjyqtarët. Atëherë çfarë gjyqtarësh janë?

Nëse do të kishim publik në stadium, unë mund të mirëkuptoja gjendjen emocionale të ngarkuar të gjyqtarit, por edhe nëse nuk ke as publik dhe nuk je në gjendje të gjykosh ndeshjen e jo këtë penallti, por ka plot të tjera që kur i shohim me moviolë themi që kanë gabuar pa fund, mua më shqetëson.

Unë publikisht kam një propozim. Gjyqtarëve t?u kontrollohet pasuria, të kalojnë veting sepse po ia them hapur Jorgjit, sepse nuk ke prishur një ndeshje, i ke shkatërruar biznesin dikujt. Është njëlloj si të kesh biznes e shkojnë tatimet t?i vënë gjobë kot. Ai thotë e mbyll ose ik nga Shqipëria. I ke shkatërruar biznesin dhe ka të drejtë të të ndjekë penalisht. Është si të vijnë të të vjedhin paratë në shtëpi në xhep. Do ankohesh në polici. Gjyqtarë të korruptuar janë dënuar në Gjermani e Angli, këta janë gjyqtarë të korruptuar. Më bëri përshtypje që kur u rrah gjyqtari në Kamëz e u dënua një ekip, iku Kamza dhe e mbrojtëm të gjithë. Kur e morën në intervistë, bashkëshortja e tij tha ne nuk kemi as pasuri pra. Këtë kemi, pra arsyetojnë që të jesh gjyqtar duhet të bësh pasuri. Këta nuk janë gjyqtarë, këta janë të komanduar nga tjetërkush, këtu paracaktohet kush do të dalë kampion.

Të katërta që janë e meritojnë titullin. Ajo që më shqetëson është realisht nëse është një kampionat i luftuar e ekipet janë afër apo ka makinacion që me gjyqtarë të mos lejohet të shkëputet një ekip. Unë nuk di ta them, por jam i pakënaqur me gjykimet, jo thjesht i fundit, por në përgjithësi të kampionatit?, tha Kabo.