web counter
LEXO PA REKLAMA!

SHKARKO APP

App Store
Google Play

Memelli: Japim gjithçka dhe për Kupën, dua të vazhdoj me Skënderbeun

24 Maj 2021, 11:06, Sport CNA

Migen Memelli finalizoi zyrtarisht një punë të jashtëzakonshme, duke bërë që skuadra korçare t?i mbyllte me pesë pikë diferencë llogaritë e mbijetesës, ndërsa pas javës së 17-të diferenca me vendin e shtatë ishte 9 pikë.

Në fjalën e tij pasi siguruan zyrtarisht mbijetesën, nënvizohet kontingjenti i lojtarëve, besimi i imponuar në ekip për t?ia dalë si dhe dëshira për të qëndruar me bardhekuqtë. Memelli nuk fshihet as për Kupën dhe si një ish-sulmues hidhet në sulm.

Ai u shpreh:

?Gjithçka për gjithçka?. ?Unë e kam thënë që në fillim kur erdha te Skënderbeu se cilësia në këtë ekip nuk mungonte. Grupi javë pas jave tregoi rritje dhe dëshirë se gjërat mund të bëheshin më mirë. Tashmë kur gjithçka është arritur, jemi më të qetë dhe do të shkojmë në Tiranë të sigurt dhe pa presion me qëllimin që t?u japim minutat e duhura lojtarëve që nuk janë aktivizuar shumë përgjatë këtij rrugëtimi. Kjo, edhe për t?u dhënë mundësi lojtarëve të formacionit që të bëjnë pushim në pritje të ndeshjes së Kupës.

Ne jemi të ndërgjegjshëm për atë që kemi bërë dhe mbi të gjitha për cilësinë që kemi në grup. Në kushte të tilla, përse të mos tentojmë që të luajmë gjithçka për gjithçka. Është një finale dhe mund të luajmë si të barabartë, pavarësisht se e dimë se çfarë kualitetesh ka Vllaznia këtë sezon. Kupa? Për fat të keq, Elvi Berisha ka mbyllur sezonin, por të shohim gjendjen e Mensah që do të na duhet shumë për finalen. E ardhmja? Kjo është diçka që duhet diskutuar me presidentin, dëshira ime është të qëndroj, por duhet folur fillimisht me presidentin?, ka deklaruar Migen Memelli./ CNA.al





Lajmet e fundit nga