E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vendosur masën e sekuestrimit pasu...

Nga shkarkimi i Metës te kriza në PD/ Endira Bushati flet për dështimin e Bashës

19 Maj 2021, 20:24, Politikë CNA

Ish-anëtarja e Kryesisë dhe ish-sekretarja e PD, Endira Bushati, ka folur për situatën politike në vend dhe për zgjedhjet në Partinë Demokratike pas humbjes në 25 prill.

Në një prononcim për CNA.al, Bushati fajësoi sërish kryetarin e PD-së Lulzim Basha për dështimin në zgjedhje, teksa i vuri në pah paaftësinë.

?Humbja në zgjedhjet e 25 prillit ka qenë e qartë dhe e parashikueshme për këdo që bënte një analizë të ftohtë e objektive të mënyrës së drejtimit të PD nga Basha dhe të rezultateve zgjedhore të PD që nga viti 2015.

Shumë nga ne që kërkuam dorëheqjen e tij që në 2017, e kemi pasur të qartë që në asnjë rrethanë, Basha me paaftësinë e tij, nuk mund të rekuperonte rezultat e aq më pak të dilte parti e parë fituese. E hidhur ishte për demokratët që ata mund të vinin në pushtet vetëm përmes bashkimit të mandateve me LSI. Pra, nën drejtimin e Bashës, PD edhe në rastin më të mirë, konkuronte parti e dytë! Numrat vërtetojnë që Basha nuk ka arritur të mbajë as votat e PD dhe aleatëve të 2013, kur Berisha pas humbjes i la partinë?, theksoi ajo.

Ndërkohë, për mosnjohjen e zgjedhjeve nga ana e opozitës, ish-anëtarja e Kryesisë së PD u shpreh: ?Basha përdor problematikat e zgjedhjeve thjesht për të mos lëshuar karrigen e kryetarit të PD të marrë peng, Ai do të futet në Kuvend, dhe këtu çështja e njohjes së zgjedhjeve mbyllet?.

Teksa evidentoi për CNA.al arsyet e dështimit të Bashës, ajo përmendi edhe koalicionin me LSI-në, partinë e themeluar nga Ilir Meta dhe të drejtuar aktualisht nga Monika Kryemadhi.

?Koalicioni me LSI është koalicion i padëshiruar nga shumica e demokratëve, por i vendosur nga Basha pa konsultim e vendimmarrje forumesh të partisë. Ajo aleancë e dëmton PD siç u vërtetua dhe në këto zgjedhje!?, nënvizoi demokratja.

?PD nuk krijoi frymë, nuk u shfaq si alternativë, ekip i dobët, pa ide dhe kryetar i pabesueshëm e pa personalitet- janë shkaqet e humbjes?, vijoi më tej.

Gjithashtu, Bushati ka treguar se çfarë qëndron pas afrimit të datës së zgjedhjeve për kryetarin e ri të PD, të cilat ishin planifikuar të mbaheshin në korrik.

?Në afrimin absurd të datës së zgjedhjeve për kryetar të PD, qëndron qëllimi që të rizgjidhet kryetar para daljes së raportit OSBE/ODIHR për zgjedhjet, që parashikohet t?i vlerësojë zgjedhjet e kënaqshme pavarësisht problematikave dhe parregullsive?, u shpreh ajo për CNA.al, ndërsa u ndal edhe te takimi i bërë ditën e djeshme nga Basha me Komisionin Zgjedhor të PD në restorant B.Vita pas piramidës.

?Ç?të them për të? Farsë e gjitha: Është Komisioni i tij, e takon kur të dojë, si shefi thërret në mbledhje vartësit?, deklaroi Bushati.

Në fund, ish-anëtarja e Kryesisë së PD-së u ndal edhe te nisma e PS-së për shkarkimin e presidentit Ilir Meta.

?Ilir Meta nuk ka qenë kurrë mbi palët si President, por ka qenë palë! Është emërim i Ramës si President, thjesht tani nuk janë në marrëdhënie të mirë. Shqiptarët janë lodhur me këto martesat dhe divorcet Rama-Meta apo Basha-Meta?, përfundoi ajo./ CNA.al