web counter
LEXO PA REKLAMA!

SHKARKO APP

App Store
Google Play

Humbja e thellë e PD/ Endira Bushati: Ishte parashikuar, Basha i paaftë

19 Maj 2021, 19:06, Politikë CNA

Ish-anëtarja e Kryesisë dhe ish-sekretarja e PD, Endira Bushati, thotë se humbja e opozitës në zgjedhjet parlamentare të 25 prillit ishte e qartë dhe e parashikueshme.

Në një prononcim për CNA.al, Bushati fajësoi sërish kryetarin e PD-së Lulzim Basha për dështimin në zgjedhje, teksa i vuri në pah paaftësinë.

Sipas saj, numrat vërtetojnë se Basha nuk ka arritur të mbajë as votat e PD dhe aleatëve të 2013.

?Humbja në zgjedhjet e 25 prillit ka qenë e qartë dhe e parashikueshme për këdo që bënte një analizë të ftohtë e objektive të mënyrës së drejtimit të PD nga Basha dhe të rezultateve zgjedhore të PD që nga viti 2015.

Shumë nga ne që kërkuam dorëheqjen e tij që në 2017, e kemi pasur të qartë që në asnjë rrethanë, Basha me paaftësinë e tij, nuk mund të rekuperonte rezultat e aq më pak të dilte parti e parë fituese. E hidhur ishte për demokratët që ata mund të vinin në pushtet vetëm përmes bashkimit të mandateve me LSI. Pra, nën drejtimin e Bashës, PD edhe në rastin më të mirë, konkuronte parti e dytë! Numrat vërtetojnë që Basha nuk ka arritur të mbajë as votat e PD dhe aleatëve të 2013, kur Berisha pas humbjes i la partinë?, theksoi ajo.

Ndërkohë, për mosnjohjen e zgjedhjeve nga ana e opozitës, ish-anëtarja e Kryesisë së PD u shpreh: ?Basha përdor problematikat e zgjedhjeve thjesht për të mos lëshuar karrigen e kryetarit të PD të marrë peng, Ai do të futet në Kuvend, dhe këtu çështja e njohjes së zgjedhjeve mbyllet?./ CNA.al





Lajmet e fundit nga