web counter
LEXO PA REKLAMA!

SHKARKO APP

App Store
Google Play

Kapja e 400 kg kokainë/ Të arrestuarit dalin para gjykatës

19 Maj 2021, 08:48, Aktualitet CNA

Sot pritet që të dalin para Gjykatës Themelore në Prishtinë shtatë të arrestuarit që u kapën me 400 kilogram kokainë.

Prokuroria ka kërkuar paraburgim për të shtatë të arrestuarit.

Lajmi është bërë nga zëdhënësja e Gjykatës Themelore në Prishtinë, Mirlinda Gashi. Gashi i ka thënë  se seanca do të mbahet në orën 10:30.

?Prokuroria Speciale ka bërë kërkesë për caktimin e paraburgimit të shtatë personave Prishtinë, 18 maj 2021 ? Prokuroria Speciale e Republikës së Kosovës (PSRK), njofton opinionin se, sot ka bërë kërkesë në Gjykatën Themelore në Prishtinë, për caktimin e paraburgimit të shtatë (7) personave, të cilët janë ndaluar më 17 maj 2021, lidhur me aksionin ku janë sekuestruar 400 kg narkotikë të llojit kokainë?, thuhet në njoftimin e Prokurorisë Speciale.

Policia e Kosovës, në raportin 24 orësh për ditën e hënë, ka treguar se përveç rreth 400 kg kokainë që janë sekuestruar në Lipjan, dje kanë sekuestruar edhe armë, para, telefona dhe llaptop. Sipas raportit të Policisë, gjatë kontrollit në lokacione të tjera janë gjetur dhe sekuestruar edhe dy revole një TT dhe tjetra me gas, 50 copë fishekë të cal. 7.62 mm, 25925 ?  para kesh, 200 denar MK, një veturë,  6 telefona celular,  6 PC,  dy llap top, katër DVR dhe një Hard Disc?, ka njoftuar policia./ CNA.al





Lajmet e fundit nga