web counter
LEXO PA REKLAMA!

SHKARKO APP

App Store
Google Play

Esmeralda Kromidha zgjidhet dekane e Fakultetit të Gjuhëve të Huaja

12 Maj 2021, 18:19, Aktualitet CNA

Esmeralda Kromidha u zgjodh sot Dekane e Fakultetit të Gjuhëve të Huaja në Universitetin e Tiranës, post të cilin deri vitin e shkuar e mbante i ndjeri Artur Sula, i cili u nda nga jeta prej COVID-19.

Kromidha, prej vitit 2003 pedagoge e gjuhës frënge, mori 74 vota nga kolegët e saj duke marrë kështu mbështetjen kryesore për postin e drejtueses së fakultetit. Ajo garoi përballë pedagogëve Spartak Kadiu dhe Irena Lama.

?Një pikë e rëndësishme [e programit] është fuqizimi i departamenteve të fakultetit të gjuhëve të huaja, duke i bërë qendra të ekselencës së mësimit dhe të kërkimit shkencor,? ? qe shprehur më parë për Euronews Albania znj. Kormidha.

Kjo është hera e parë që Kromidha do të jetë dekane teksa në vitet 2008-2012 ajo ka qenë zëvendës-dekane. Për një periudhë prej 4 vitesh mes viteve 2012-2016 ajo ka drejtuar gjithashtu departamentin e gjuhës frënge.

Në vitin 2016 ajo ka marrë gradën shkencore të Profesores ndërsa është shkolluar në Francë./ Euronews Albania





Lajmet e fundit nga