web counter
LEXO PA REKLAMA!

SHKARKO APP

App Store
Google Play

Pretendimet e opozitës për krim elektoral në zgjedhje/ Flet ambasadori Del Monaco

12 Maj 2021, 11:24, Aktualitet CNA

Ambasadori Vincenzo Del Monaco ka zhvilluar një takim në qytetin e Elbasanit me kryetarin e bashkisë, drejtorin e policisë dhe përfaqësuesit e komuniteteve fetare.

Gjatë vizitës Del Monaco ka dhënë një pronocim për mediat ku ka folur për zgjedhjet e 25 Prillit.

I pyetur se cili është komenti i tij përsa i përket pretendimeve të opozitës se pati një krim elektoral, ambasadori u përgjigj:

?Mendoj se të gjithë e kemi lexuar raportin e ndërmjetëm të OSBE/ODIHR-it. Kur flasim për ankesat për procesin zgjedhor dhe ngjarjet kriminale që ndodhën gjatë procesit zgjedhor nuk më takon mua të gjykoj. Unë kam plotësisht besim tek autoritetet gjyqësore shqiptare. Siç ju kujtohet, ditën pas vrasjes në Elbasan, përpara zgjedhjeve, ne bëmë një deklaratë shumë të qartë dhe kemi besim te një hetim i shpejtë dhe se gjyqësori do të bëjë atë që duhet bërë. Kështu funksionon në demokraci?, është shprehur Del Monaco.

Ndërsa pyetjes se sa e motivuar duket policia shqiptare për të luftuar krimet elektorale dhe për të garantuar rendin dhe sigurinë publike, Del Monaco është përgjigjur:

?Unë e kuptoj interesin që mediat dhe njerëzit kanë me të drejtë në pyetjet tuaja. Por çfarë përgjigjeje prisni nga unë? Unë jam takuar disa herë me Drejtorin e Përgjithshëm të Policisë së Shtetit, jam takuar disa herë me hierarkinë e Policisë së Shtetit, jam takuar disa herë me oficerë policie, pasi mora pjesë në trajnimin që OSBE-ja iu ofroi në prag të zgjedhjeve për ta përgatitur më mirë Policinë e Shtetit në garantimin e sigurisë pranë ditës së zgjedhjeve dhe gjatë saj. Ne u ofruam trajnim më shumë se 6 mijë punonjësve të policisë. Mesazhi që unë jap ka të bëjë me besimin, me besimin institucional: besoni tek institucionet.?/ CNA.al





Lajmet e fundit nga