E fundit!

15:57 Aktualitet

Shtyhet seanca e Metës në GJKKO/ Ja data e radhës

Seanca në themel në Gjykatën e Posaçme për kreun e Partisë...

“Çfarë janë këta, vijnë nga rruga?”/ Braho për ekspertët: Duhet të jenë njerëz me tituj

11 Maj 2021, 09:01, Politikë CNA

Komisioni hetimor parlamentar ka zhvilluar mbledhjen për shkarkimin e Presidentit të Republikës, Ilir Meta.

Kryetari Alket Hyseni zbuloi se data 18 maj është caktuar si datë për seancën dëgjimore me presidentin, e cila do të diskutohet me zyrën e Presidentit, ku thekson se seanca duhet të zhvillohet brenda javës së ardhshme.

Në mbledhje u diskutua edhe për zgjedhjen e ekspertëve që do të ndjekin nga afër zhvillimet e komisionit dhe në fund do të japin vlerësimin e tyre. Një prej emrave të propozuar ishte Erind Mërkuri, por anëtari i komisionit Hetimor, Spartak Braho është shprehur se në ekspertët duhet të jenë njerëz me tituj dhe të vlerësuar pasi një ekspertizë e keqe të varros.

?Na thoni kush janë këto ekspertë, çfarë janë, kanë tituj? Nga rruga janë??, u shpreh Braho ndërkohë që dha edhe propozimin e tij.

?Të nderuar kolegë, procedura e ekspertimit të shkeljeve që pretendohet se ka kryer President është momenti më i rëndësishëm i këtij komisioni. Të mos nxitohemi. Pjesa dërrmuese e këtyre anëtarëve e dinë ç?do të thotë një ekspertizë e mirë apo e keqe. Një ekspertizë e mirë të hedhë matanë, një ekspertizë e keqe të varros.

Ky komision gjykon nëse ka shkelur apo jo Presidenti rëndë Kushtetutën, që do të thotë që ne të përballemi me interpretimin e Kushtetutës, të shumë akteve të tjera të Gjykatës Kushtetuese me interpretimin e tërë vendimeve, dhe fjalët e ekspertëve janë përfundimi i punës sonë. Ekspertët duhet të kenë nivel të lartë profesional, sepse po gjykojmë Presidentin.

Nuk kam vërejtje për shokët, se nuk i njoh, janë çuna të rinj, unë jam i kohës kur thërrisnim ekspert Luan Maron, por ky tani është plakur. Do të mendoja që si ekspertë përveç emrit që përmendët, që arrin deri te Doktor, ndërkohë që neve na duhen Profesorë këtu me tituj, unë do të them pse të mos jetë edhe Viktor Bumi. Nuk e kam marrë mendimin e tij, por unë do ta propozoja.

Duke e njohur nga afër, vlerësimin dhe cilësitë e tij, them se ka një lloj paanshmërie. Them të mos e vendosim sot punën e ekspertëve, të shohim e të lexojmë emrat, të lexojmë biografinë e tyre dhe e votojmë ditën e premte. Na duhet një listë me disa emra?, vijoi më tej Braho./ CNA.al