E fundit!

10:12 Politikë

Vrasja e efektivit në Maliq/ Lamallari: Dënoj aktin e rëndë, Shqipëria humbi një shërbëtor të ligjit

Ministri i Brendshëm, Besfort Lamallari, shprehu humbjen e...

“Çerri i Babales” mbron PD/ Basha vijon talljen me demokratët

11 Maj 2021, 09:16, Politikë CNA

Partia Demokratike paraqiti me 9 Maj zyrtarisht, kërkesën për përsëritjen e zgjedhjeve parlamentare në 9 qarqe të Shqipërisë.

PD dorëzoi në Komisionin e Ankimimeve dhe Sanksioneve, disa dosje me pretendimin se janë kryer manipulime të votave dhe për këtë arsye kërkon rishikimin e rezultateve të zgjedhjeve të 25 prillit.

Padia u depozitua në emër të PD-së, nga Marinela Ziu e cila është avokate pranë selisë blu dhe Marash Logu, një 26 vjeçar, një emër i panjohur ky, i katapultuar jashtë selisë së PD.

Marash Logu njihet si përfaqësues i lëvizjes “Guxo”, ndërsa më herët ka qenë i punësuar në zyrën avokatore Halimi Law and Tax.

Bëhet fjalë për zyrën ligjore të drejtuar nga nga ish-Ministri i Drejtësisë, apo ish deputeti i PD-së, Eduard Halimi.

Është e çuditshme se si kreu i PD, Lulzim Basha, nuk ia ka besuar këtë detyrë sekretariatit për Çështjet Zgjedhore apo atij Ligjore në PD-së, si Ivi Kaso apo dhe Çlirim Gjata, por Eduart Halimit, me disa prej ish-përfaqësuesve të tij të studios ligjore.

Basha i ka lënë provat, me të cilat ai pretendon, se janë manipuluar zgjedhjet, në duart e Marash Logut, një studenti që ende vazhdon masterin.

Kjo lë të kuptohet, se sa seriozisht e ka Basha, kur thotë se kërkon ripërsëritje të zgjedhjeve në 9 qarqe dhe kur thotë se është manipuluar procesi zgjedhor.

Marash Logu, i cili po bën avokatin e Bashës, nuk ka një CV të detajuar, se kur ka nisur studimet për drejtësi, kur i ka mbaruar, kur ka nisur masterin dhe çfarë çështjesh ka mbuluar si avokat.

Në CV-në e publikuar nga studio e avokatisë së Eduart Halimit, flitet për punë vullnetare të Logut, dhe nuk ka asnjë datë kur ka nisur studimet për drejtësi dhe kur i ka mbaruar.

Në koridoret e PD-së, Marash Logu ndryshe njihet si ?çerri i babales, Ervin Salianji?.

Sido që të lakohet, çështja është, se a do të arrijë Logu, një student masteri që të mbrojë PD në KAS apo edhe në gjykata në lidhje me të ashtuquajtuara, manipulime zgjedhore.

Apo, Logu, është një variant tjetër i Bashës, që po përdoret për të mbuluar humbjen dhe dështimin që pësoi me 25 Prill 2021./CNA.al