web counter
LEXO PA REKLAMA!

SHKARKO APP

App Store
Google Play

E fundit!

x

Bamir Topi zbërthen lëvizjet e Bashës/ "Po ruan karrigen duke i bërë fushatë vetes"

11 Maj 2021, 20:20, Politikë CNA

Ish-presidenti Bamir Topi ka kritikuar dhe folur me tone të ashpra për kryetarin e Partisë Demokratike, Lulzim Basha, pasi opozita humbi zgjedhjet parlamentare.

Topi i lexoi lëvizjet e fundit të Bashës, i cili ka filluar turin nëpër rrethe, si fushatë të dytë brenda pak ditësh, që sipas tij nuk ka për qëllim që të deligjitimojë rezultatin.

Ai deklaroi në Report Tv se Basha po bën një fushatë në funksion të vetes dhe po tenton që të mbajë të ngrohtë anëtarësinë që do marrë pjesë për votimet për kryetar në korrik. Ish-presidenti pretendon se Basha ekskluzivisht po ruan karrigen e tij.

“I njoh këto zgjedhje dhe më duket melodi e vjetër që pas çdo humbje tentohet të justifikohet dhe ajo që unë po shoh, gjithë ajo lëvizje që duket si fushatë e dytë brenda pak ditësh nuk ka për qëllim që të deligjitimojë rezultatin, faktin që janë shprehur ndërkombëtarët zgjedhjet janë legjitime, Basha po bën një fushatë në funksion të vetes dhe po tenton që të mbajë të ngrohtë anëtarësinë që do marrë pjesë për votimet për kryetar në korrik. Nëse ti nuk i njeh zgjedhjet, ti do duhet të shkosh në të njëjtin gjest të mos njohjes së parlamentit. Këta nuk e thonë këtë, thonë nuk njohin zgjedhjet, por do futen në Parlament.

Ndonëse çdo opozitë tenton që të bëjë rotacionin, por mendoj që suksesi më i madh i kësaj drame është rifutja në institucione? Basha ekskluzivisht po ruan karrigen e tij. Gjithçka luhet në ekgzocentizëm, por ka edhe dikë që është në hije ose jo, Basha nuk është liruar nga shefi i tij politik (i referohet Berishës). Dikush mund të thotë që Basha ka fituar autonomin, por interpretimi im është ndryshe, aty gjërat po shkojnë keq e më keq se nuk janë çliruar nga ajo psikozë që e ndjek PD prej shumë vitesh, që është një individ që do pronësinë e përhershme PD-në”, theksoi Topi./ CNA.al





Lajmet e fundit nga