web counter
LEXO PA REKLAMA!

SHKARKO APP

App Store
Google Play

E fundit!

x

“Aksioni i Bashës është fals”/ Ibsen Elezi: Po tallet me demokratët

11 Maj 2021, 18:15, Politikë CNA

Ish kryetari i PD-së së Kukësit Ibsen Elezi u shpreh se turi humbës i Lulzim Bashës është një tallje e hapur me demokratët.

Në një prononcim për CNA.al Elezi deklaroi se Basha nuk ka asnjë mundësi që të justifikojë që ka marrë 622 mijë vota në zgjedhjet e 25 prillit, ndërsa theksoi se kryeopozitari po vijon me mashtrimet e tij ku tjetër gjë po thotë dhe tjetër bën.

Ish kreu i PD Kukës shtoi se deklarimi absurd se nuk do njohim zgjedhjet dhe do hyjmë në Parlament shpjegon më së miri seriozitetin e aksionit të tij fals.

?Të ndërmarrësh një tur për t?i shpjeguar antarësisë se kush është dhe çfarë bën Rama, pasi i ke nxjerrë në 10-tra protesta të dhuneshme në mbrojtje të votës, këto 8 vjet, do të thotë të tallesh me ta.

Në fakt ky tur ka të bëj vetëm me fillimin e fushatës së zgjedhjeve në PD.

Nuk ka asnjë mundësi që të justifikoj humbjen, pasi votat e marra në 2021 (622 mije) tregojnë që ka një rënie prej rreth 58 mijë votash. Kjo tregon faktin se Basha nuk fitoi besimin e shqiptarëve dhe  krijoi frymën e fitores.

Fakti që Rama ka tjetërsuar votën nëpërmjet blerjes dhe mekanizmave të tjerë jo demokratik, nuk e justifikon atë.

Basha  vazhdon të veprojë me mënyrën e vet të mashtrimit, tjetër gjë thotë e tjetër gjë bën.

Ndërkohë që ne i kërkojmë të largohet për t?i hapur rrugën procesit të brendshëm zgjedhor, ai vazhdon në mënyrë të pandershme fushatën.

Deklarimi absurd se nuk do njohim zgjedhjet dhe do hyjmë në Parlament shpjegon më së miri seriozitetin e aksionit të tij fals?, tha Elezi për CNA.al.





Lajmet e fundit nga