web counter
LEXO PA REKLAMA!

SHKARKO APP

App Store
Google Play

E fundit!

x

Akuzat e PD për zgjedhjet/ Marash Logu: I kemi me foto ata që trentuan të blejnë vota

11 Maj 2021, 18:08, Politikë CNA

I ftuar në edicionin qendror të lajmeve, juristi Marash Logu tregoi për Euronews Albania se ku qëndron thelbi i pretendimeve të ngritura nga Partia Demokratike për të shpallur të pavlefshme zgjedhjet në 9 qarqe të vendit.

Përveç rasteve të blerjes së votave, Logu tha se PD ka dokumentuar që qeveria shkeli ligjin zgjedhor duke përdorur administratën dhe instancat shtetërore për qëllime elektorale. Ai tha se në zona si Kombinati u kushtëzua me votën dhënia e lejeve të legalizimeve, gjatë katër muajve elektorale u shtuan fondet për ndihmat ekonomike apo ndihmat për tërmetin, dhe në zona si Durrësi, ato u shpërndanë deri një javë para datës së zgjedhjeve.

?Në Durrës deri javën e fundit të fushatës, janë shpërndarë deri 6 milionë euro ndihma për tërmetin,? ? tha Logu.

?Kemi pamje filmike dhe foto të personave që angazhohen në blerjen e votës,? ? tha Logu duke theksuar se PD nuk mund të jetë prokurori për t?i provuar të gjitha pretendimet, por në raste të ndryshme si në Shkodër, apo Durrës pretendimet janë provuar.

PD ka bërë 180 kallëzime në prokurori, 50 prej së cilave në Strukturën e Posaçme Anti-Korrupsion.

Përballë juristit Logu, gazetari Aleksandër Çipa tha se argumenti i vlefshëm për çështjen e ngritur nga PD është provimi, nëse është apo jo e vërtetë, që janë kaluar shuma të mëdha fondesh për grupe të caktuara shoqërore gjatë fushatës elektorale. Megjithatë Çipa theksoi se PD duhet të jetë gati për t?u përballur edhe me alibinë që mund të përdoret nga pala tjetër.

?Nëse administrata e shërbimit social justifikohet se këto veprime nuk janë bërë për shkak të disa vonesash administrative, kjo nuk përbën vepër penale,? ? tha Çipa.

Mirëpo juristi Logu tha se Kodi Zgjedhor e ka të qartë se katër muaj përpara zgjedhjeve ndalohen institucionet që të nxjerrin akte që sjellin përfitime për kategori të caktuara të shoqërisë.

?Në Bashkinë e Vlorës kemi një njoftim që doli më 16 mars, periudhë e ndaluar nga aktet ligjore, ku njoftohen përfitimet për kreditë e buta, ka dhe bashki të tjera ku kanë shpërndarë tollona nafte për shembull,? ? tha Logu duke këmbëngulur se nga Thesari dhe Ministria e Financave janë faktuar shpërndarje të ndihmës ekonomike me 3 milionë euro më shumë se vitet e shkuara.

Juristi Logu u shpreh i bindur se çështja do të ketë zhvillime. Ai kujtoi rrjedhjen e listës së zgjedhësve të pretenduar se qe përdorur nga PS-ja dhe tha se në listën e pa-publikuar në media ?figuronin edhe se sa para kanë qytetarët në llogaritë bankare?, gjë që sipas tij ?është skandal edhe më i madh?.

Në fund të diskutimit gazetari Çipa e komentoi çështjen duke u shprehur se në tërësi prej procesit ?duket se kërkohet më shumë  efekt politik se sa i zgjidhjes së tij?./ Euronews Albania





Lajmet e fundit nga