web counter
LEXO PA REKLAMA!

SHKARKO APP

App Store
Google Play

Detajet/ Pse u dorëhoq Sahit Dollapi, sekretari organizativ i PD

9 Maj 2021, 14:29, Politikë CNA

Një nga emrat e afruar në drejtimin e PD me rol sekretari përpara 4 vitesh ka dhënë dorëheqjen.

Burime për CNA.al thanë se zoti Sahit Dollapi, sekretar organizativ i PD është dorëhequr një javë më parë pas disa debateve të forta me Lulzim Bashën direkt pas humbjes.

Dollapi ka qenë një nga njerëzit që është angazhuar fort në fushatën e këtij viti, ai ka qenë në disa degë dhe ka ndjekur nga pas axhendën e Bashës, por mesa duket kreu i PD ka pasur dyshimet e tij. Kjo ka bërë që Dollapi të dublohej në drejtimin e organizimit të PD, arsye e cila ka qenë edhe shkaku i parë i debatëve. Më pas humbja dhe mosmarrja e përgjegjësive nga vetë Lulzim Basha kanë bërë që Sahit Dollapi të japë dorëheqjen. Në PD janë në dijeni shumica e drejtuesve të lartë për dorëheqjen e Dollapit, por janë përpjekur që gjithçka të lihet jashtë mediave për të pasur fokusim në denoncimin e pretenduar për vjedhjen e votave.

Sahit Dollapi ka luajtur një rol kyç dhe mjaft pozitiv këto 4 vite, ai është përpjekur të rikthejë organizimin e PD në nivelet e duhura pas shpartallimit që i bëri Eno Bozdo. Dollapi mund të konsiderohet një nga njerëzit që bëri gjithçka për bashkimin e PD dhe mos përçarjen e saj, por përpjekjet e tij dhe këmbëngulja pranë Bashës nuk mjaftuan, pasi qartësisht mungonte vullneti i kreut të PD.

Pas katër vitesh në drejtimin e organizimit të PD dhe pas një rritje elektorale krahasuar me 2017, Sahit Dollapi ka dhënë dorëheqjen pas humbjes dhe debateve me Lulzim Bashën.

Burime zyrtare nga PD theksuan se janë dorëhequr edhe disa kryetarë degësh dhe sekretari i burimeve njerëzore Ervin Minarrolli./CNA.al

PLAS NË PD/ Dy sekretarë dhe drejtues lokalë japin dorëheqjen

 





Lajmet e fundit nga