web counter
LEXO PA REKLAMA!

SHKARKO APP

App Store
Google Play

Tabaku denoncon rastet e shit-blerjes së votave/ "Pagesat e tërmetit janë përdorur për blerje të votave"

9 Maj 2021, 08:30, Politikë CNA

Ish-deputetja e Partisë Demokratike Jorida Tabaku nëpërmjet një postimi në rrjetet sociale ka denoncuar blerjen e votës në zgjedhjet e 25 Prillit.

Sipas saj, në katër muajt e parë të vitit janë përdorur mbi 130 milionë euro nga buxheti i shtetit për të blerë vota nëpërmjet pagesave të tërmetit.

Tabaku shtoi se në 8 vite qeverisje është abuzuar me taksat e shqiptarëve. Sipas Tabakut, vendet ku krimi elektoral është konstatuar më shumë janë Tirana, Vora, Shijaku, Durrësi dhe Kamza.

?Mbi 120 mln euro janë përdorur nga buxheti shtetit për të blerë votën nga qytetarët në 4 muajt e parë te vitit, nëpërmjet pagesave për tërmetin. Përditë dalin në dritë prova, fakte dhe të dhëna se si kanë blerë vota edhe përmes buxhetit të shtetit.

Rama-Doshi-Rakipi përpos presioneve me grupe të strukturuara kriminale kanë përdorur në kundërshtim me ligjin milionat e buxhetit për të blerë vullnetin e votuesve.  Në 8 vjet abuzuan me taksat në kurriz të shqiptarëve, në 2 vite pas tërmetit nuk shpërndanë asnjë ndihmë për tërmetin duke i varfëruar qëllimisht për ti blerë më lehtësisht.

Tirana, Vora, Shijaku, Durrësi dhe Kamza janë ato bashki ku ky krim elektoral është konsumuar më shumë. Me një rritje në 500% të pagesave gjatë fushatës elektorale?, ka shkruar Tabaku./ CNA.al





Lajmet e fundit nga