E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Helidon Bushati kërcënon gazetarin/ Arsen Rusta: Matu mirë kë fyen, për pak ditë do paguhesh nga taksat tona

5 Maj 2021, 16:27, Aktualitet CNA

Drejtuesi politik i qarkut të Shkodrës Helidon Bushati ka dalë nga shinat dhe ka nisur me kërcënimet ndaj gazetarit të njohur Ergys Kavaja, vetëm se ky i fundit ka nxjerrë në dritë problemet e PD-së në këtë qark gjatë fushatës zgjedhore.

Ndonëse pak ditë më parë në ditën e lirisë së medias, OSBE shprehu shqetësimin për jetën e gazetarëve në vend, duket se një gjë e tillë po haset çdo ditë e më shumë nga reporterët e ndryshëm që raportojnë çdo ditë nga terreni.

Gazetari Arsen Rusta i ka dalë në mbrojtje kolegut të tij, duke iu përgjigjur kërcënimeve të Bushatit. Përmes një postimi në rrjetin social, Rusta shkruan se për pak ditë ai do të betohet si deputet i ardhshëm i Kuvendit dhe do të paguhet pikërisht nga taksat e tij dhe kolegëve të tjerë gazetarë.

Gazetari i ka kujtuar deputetit të zgjedhur të PD-së që bën trimin edhe kanunin e Lekë Dukagjinit, duke theksuar se “lajsmi” nuk sjell vdekje. Duke i kërkuar që të respektojë gazetarët dhe shkodranët si aset i çmua, Arsen Rusa i ka uruar ta prijº e mbara në rrugën që ka nisur.

?Ja pse OSCE thoshte në ditën e lirisë së medias e reporterëve që është e rrezikshme të bësh gazetari!!!

Po pse mo i nderuar Helidon!!!

A stë pëlqeu analiza e Ergysit? Mos e lexo-jep argumentet e tua kundra.

Ske përse intimidon, fyen, kërcënon.

I nderuar deputet, pyet të djathtët në shkodër për Ergys Kavaja pyet e znj.Ademi e matu se kë ofendon.

Ti je deputet, do betohesh pas disa javësh. Ergysi dhe ne do paguajmë taksa për ty e 139 kolegët e tu. Por rimerre telefonin kërkoi falje. Ulu si burri burrit me Ergysin dhe çdo gazetar e shpreh mendimet e tua të lira. Por mos harro se edhe gazetari ka lirinë e tij të shprehjes.

Ndërsa për kanun “lajsmi” sipas Lekë Dukagjinit nuk sjell vdekje!

Ndaj ska faj.

Të priftë e mbara, por gazetarët e shkodrës janë aset publik ndaj mos i cyt!

I prirur ti besoj kolegut tim Ergys Kavaja e nëse e vëreta është tjetër, Helidoni ska përse kërkon falje?, shkruan Rusta./CNA.al